Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Долгандыр оранып Маңнап турган иргин ийин. 4400 "Элезин дылдыг Мал-даа болза, Төрүп кагган Төлүнге ындыг кончуг, Эът дылдыг 4405 Мээң ада-ием Ханныг-каралыг Кара-Көгел хаанның Аал-оранында Та өлүг-дириг" — деп, 4410 Хунан-Караның Карааның чажы Дамырактыг кара суглар бооп, Кара торгу тонунда Төктүп орган иргин ийин. 4415 Кара богбазын мунуп алгаштың, Элеңнедип-тендиңнедип бар чыдарга, Адазының чылгычызы Аскагалдай Сайын-Куу хавырчы Хыртың-Шокар аскырын мунган, 4420 Хола уруун сөдүрээн Хап олуруп-тур эвеспе аан. Кара богбазындан аңдарлы чоруй Дүже халып каавыткаштың, Ёзулап-хүндүлеп 4425 Бараалгап турган иргин ийин. "Оттуг карактыг, Оък-боо болган, Окпан-боо чипкен, оглум, Кайыын келдиң, 4430 Кай бар чыдыр сен?" — деп Турган иргин ийин. "Мен-даа, ада, Чаа-чалбактың Чапгганчызы чүме мен, 4435 Өргечи-күскечи, Өскүс чаңгыс амытан мен, Кыжын болур чылынды, Чайын болур сарыг-суг Кайда чүмел, ада?" — деп 4440 Турган иргин ийин. "Ындыг-ла чүме болза, оглум, Мөңгүннүң кырында