Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Чаяа-даа чара семирээн, Кому-даа хоора семирээн, 4220 Кээп турган иргин ийин. Бир чартыын Ак хая кылдыр, Бир чартыын Кара хая кылдыр 4225 Арзылың-Караны соодуп, Баглай-даа берген туруп-тур эвеспе аан. Хунан-Кара Айның чаазында, хүннүң эртезинде Арзылаң-Кара аъдын мунуп алгаштың-даа 4230 Чоруп-ла берген турган иргин ийин. Ол орта Узун-Назын даңгынаны Чагып-даа олурган иргин ийин: "Чаа-дайынга барган кижи 4235 Чоок дизе, Чеди чыл иштинден бээр Келир боор мен, Ырак дизе, Тос чыл иштинден бээр 4240 Келир боор мен. Даянып турзумза-даа, Чаңгыс бодум, Тайып ушсумза-даа, Эр кара чаңгыс бодум — деп 4245 Орган иргин ийин. — Аал-чуртувусту Эки ээлеп турар сен” — деп олурган иргин ийин. Узун-Назын даңгына олургаш: «Шулбунуң Көгел-Мөге хаан 4250 Болган болза, Күштүг шыдалдыг-даа болгай — деп Олуруп-тур эвеспе аан. — "Чаа-дайынга барбас" — деп Чүү боор, 4255 "Херээжок кижи Дайын кылбас" — деп чүме Хей чүме-дир Шулбу-биле чаалажыр Шаам келген» — деп 4260 Түмен чааны төрүтпес Дүндүгүр-кара маадырның дүрзүзүн Дүрзүлени берген-даа орган иргин ийин.