Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Улуг кара таалыңының иштинде Адазының улуг өөнүң орнунга 4175 Улуг ак майгынын Кактырып-даа турган иргин ийин. Бир айда удуур Уйгузун удуп, Чыргап чыткан иргин. 4180 Соңгу аал-чурту Чииңейнип-шооңайнып Көжүп келген-даа турган иргин ийин. Ол орта Адазының 4185 Малчы-хойжуларының турар черинге, Малчы-хойжуларын олуртуп, Хондуруп-дүжүрүп турган иргин ийин. Өвүрүнде чиңнеп хавырар, Өле-була турар чериндиве, 4190 Өле-була чылгызын Хавырып-үндүрүп турган иргин ийин. Хоюнуң кадарчызы Хоюскан ашактың Турар чериндиве 4195 Хой кадарчызы Көк баштыг көшкүн, Ак баштыг ашакты Ол хевээр Адазының турган чуртунда 4200 Чүү-даа чүмени өскерткен чүме чок, Доозазында Өдек-хонажында Хой хондурар хонажында Хондуруп турган иргин ийин. 4205 "Өштүгде Өжүмнү негээйн" — деп, "Кыктыгда Хыымны негээйн" — деп, Удургу дижин 4210 Ууй дайнанып, Даг дижин Чара дайнап-даа Орган иргин ийин. Ам-даа чүү боор, 4215 Арзылаң-Кара аъдын Кыйгырып турган иргин ийин. Арзылаң-Караның