Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

4085 4090 4095 4100 4105 4110 4115 4120 4125 Кара карактыг Чыраа кара аътты мундургаштың, Чоруп турган иргин ийин. Шыяан-даа, Чоруп-ла орган иргин ийин. Чер ортузу Чедип чоруп олурарга-даа, Арзылаң-Кара аъттыг Хунан-Кара моге дээрзи: "Узун дургаар шыйган черимге Дүн-хүн чок чоруп олуруңар, Доора дургаар шыйган черимге Хонуп олуруңарГ' — деп Турган иргин ийин. Ада-иези-даа Сагыжында кире берген, Арзылаң-Ала-Тайгазы-даа, Шил-Даг, Шилен-Даг чурту-даа Сагыжында кире берген, Ужудуп-халыдып чоруп орган иргин ийин. Дүнде дүн-даа чок, Хүнде хүн-даа чок Ужудуп-хадыдып чоруп орган иргин ийин. Шил-Даг, Шилен-Даг чуртунга Чедип кээрге, Кускун "куйт” дээр, Сааскан "сайт" дээр Чүме-даа чок. Ада-иезиниң улуг Өөнүң орну Өлең-сиген үнүп, Маргаа-сиген Базып каапкан чыткан иргин ийин. Бора-Хөлдүң кыдыында оъттап турар, Алдан ийи Адыр мыйыстыг, Үш куспак кудуруктуг, Үш илиг дүктүг, Бора-Хөл аъдының Адазызың куу баглаажындан башка Чүү-даа чок, Чаа-дайын алгаш барган-на турган ирин ийин. Аъдының баглаар черинге Арзылаң-Каразын Баглап-даа чыткан иргин ийин.