Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Таакпызының хүлүн Карааның огунга 3905 "Хак" кылдыр кагарга: "Халагым-түлегим! Арзылаң-Кара аъттыг Хунан-Кара деп кижи Амы-тынымда-ла халдай берди, 3910 Алдыы оран, Үстүү оран Ада-ием, Канчалдың чоондуң?" — деп, Кыйгы сала берен-не чыдып-тыр эвеспе аан. «Каткан-хуурааның бажы, кулугур! 3915 "Даңгыраан оскунарга, Тамы дүвү чүме" Дээн, эжим, "Дыл оскундурарга, Далай дүвү чүме" 3920 Дээни кайыл, эжим, Сен даңгырааң оскунуп чыдырыңда, Мен чоонган мен — дээштиң, Арзылаң-Карам, Канчалдың, чоондуң?» — дээштиң, 3925 Хунан-Кара-даа база-ла Кыйгы сала-ла берген чыдып-тыр эвеспе аан. Кыйгы салган кыйгызы Арзылаң-Караның Аъттангы чарыккы кулаандан дыңналгаштың, 3930 Ажыргы чарыккы кулаандан Хат-салгын-биле дөмей Хаагайндыр үнүп туруп-тур. "Хунан-Кара-даа Бактың багын 3935 Көре-ле берген-дир" — дээш, Арзылаң-Кара-даа Чел-кудуруу-биле Узун-Сарыг хаанның Азыраан малы, 3940 Ара-албатызын Кыра таварып дизээлеп Маңнап чедип келген туруп-тур эвеспе аан. "Эр бодуң эрлик-даа сен ыйнаан, Хунан-Кара, 3945 Эр эжиңниң кырынга олуруп алгаш, Мени чүге даңгырааң Оскунуп кыйгырдың,” — деп,