Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Хыйыртажы берген Туруп-турлар, 3680 Бууралар бооп Дизээлежи берген-даа Туруп-турлар. Карак дываш дээриниң аразында, Каң-хая 3685 Каккылаштырган ышкаш, Кайызы-даа демир-демир эъттиг чумелер Кыңгырткайнып-кыңгырткайнып-ла Берген-не туруп-турлар. Кыш болурга, 3690 Кыштың хыраазындан: "Кыш болу берген чыдыр, эжим", — Дижип турлар. Чай болурга, "Чай болтан" — деп, 3695 Чайның шалыңындан-даа Танып туруп-турлар. Шел черге баарга, Даг апаар, Даг черге кээрге, 3700 Шел бооп-даа, Оргу чаагай Оранга кээрге, Дөң-дөстек кылдыр Тепсеп-даа туруп турлар эвеспе аан. 3705 Ынчап турда, Бажының коңгураазы арываан, Балдырының эъди катпаан, Хунан-Караны Демир-Моге 3710 Тевектептер дээрге, Дээрниң делгеми-биле, Дээлдигенниң дезии-биле Алдырбас, Кажыктаптар дээрге, 3715 Каптагайның делгеми-биле, Хартыганың кашпагайы-биле Алдырбайн-даа турган иргин ийин. Бажының коңгураазы сеглеңейнип, Балдырының эъди ырбаңайнып 3720 Тутчуп-ла турган иргин ийин. Ынчап турда, Хунан-Караның