Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Далай дег Кара араганы 1790 Ижиртип-даа кагган мен, эжим. Хаан катылшың аалынга чорааштың, Чанып чыдар кижи мен. Аанайтың-на, эл-чааның Ужу-кыдыын көөр дээн, 1795 Балдыр-бээжек-ле-дир сен, эжим. Сээң көрүлге-биле чедер чериңге, Шөлдүң шөлүнге Сээң изиг ханың Чүнүң суксунга чедиксээр; 1800 Изиг өкпең чиирге, Амданныг эвес, эжим. Көвей амытан көрүп турда, Ус далайның кыдыында, Узун-Сарыг хаан катымның аалынга 1805 Элеңнедип-тендиңнедип Чеде берген үеңде барып, Изиг өкпеңни Өрттендир-хуюкталдыр Хаарып, быжырып тургаиггың, 1810 Өлүрер мен" — Депкен дег болза, Демир аъдын мунган дег болза, Ямбы-дип чырыткылаш Дээн дег болза, 1815 Дээрдиве үнгени-даа көзүлбес, Чердиве киргени-даа көзүлбес, Бар чыткан барааны-даа чок, Ямбы-дип кара чаңгыс Чырыткылаш дээн дег болза, 1820 Барган уг-шии көзүлбейн Барган туруп-тур эвеспе аан. "Оода бар чыдар бараанныг боор, Кандыг-кончуг кижи боор?" — деп, Бажының коңгураазы арываан, 1825 Балдырының эъди катпаан, Балдыр-бээжек Хунан-Кара кулугур Сырыга берген олурар бооп-тур эвеспе аан. Арзылаң-Кара аъды тургаштың: 1830 "Эр кижи Бир оруун углаан черинге барбаска, Бир назында