Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Караңгы дүн дүшкен турган иргин. Мурнундува көөрге, 1520 Арзылаң-Караның Изиг-соок тыныжы Бедик таңдыларда Хат-шуурган дүже берген, Чавыс таңдыларда 1525 Куу туман болу берген турган иргин ийин. Дүне-хүнү чок Караңгы-ла кара дүн Дүжүп чоруп олуруп-тур эвеспе аан. "Караңгыны чүү деп 1530 Бодап тур сен, Хунан-Кара?" — деп Турган иргин ийин. "Хаанның булуду Ай, хүннү дуглапкан 1535 Чоруп олур ыйнаан" — деп Турган иргин ийин. "Шымда-дектей, Менден дүже халаапггың? Ёзулап-сөгедеп олуруп, 1540 Сөңнеп-бараалгап көр" — Дээн иргин ийин. Арзылаң-Карадан дүже халааштың, Сөгедеп олуруп, Сөңнеп-бараалгап турган иргин ийин. 1545 Чырыткылаш дээн дег болза, Куш кежи Куптузунун ушта соп кааш, Олура дүшсе-ле, Кончуг улуг хаан кижи 1550 Олура дүжүп турган иргин ийин. "Эвилеңнээн-чөвүлеңнээн Оттуг карактыг, оглум, Кай бар чор сен? Кайыын келдиң? 1555 Узун чоруктуг, Узак сагыштыг, оглум? — деп Айтыра берген орган иргин ийин. — Адаң адаан Адың кымыл 1560 Иең адаан Шолаң кымыл?" — Дээн иргин ийин. \