Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Каң соңгу дуюу-биле Тепкен довураа 1475 Кара дүн дүжүрүп чоруп олуруп-тур. Мурнунда Арзылаң-Караның Тынган тыныжы Бедик тайгаларның кырында Хат-шуурган дүже берген, 1480 Чавыс тайгаларның бажында Куу туман болу берген Чоруп олуруп-тур эвеспе аан. Дөрт даванындан Чалбыыпггыг от хып келген 1485 Чоруп олуруп-тур эвеспе аан. Бежен кижиниң Ыры-хөөмейин Ырлап-хөөмейлеп олуруп-тур. Бежен аъттың 1490 Доозунун доозуннап Чоруп олуруп-тур эвеспе аан. Алдан кижиниң Ыры-хөөмейин Ырлап-хөөмейлеп, 1495 Алдан аъттың Доозунун доозуннадып Чоруп олурган иргин. Аал-орандан үнгенден бээр Алды чимирлиг куш-даа чок 1500 Оранга чоруп олуруп-тур. Калбак дуюглуг мал-даа чок, Кара баштыг кижи-даа чок, Оранга чоруп олуруп-тур эвеспе оң, Ховунуң-на 1505 Ховузунга чоруп олурарга, Арзылаң-Кара Тура дүжүп турган иргин ийин. "Эл чааның оранынга, Эр бодуң эрлик-даа болзуңза, 1510 Хунан-Кара, Эът-чүрээң багай-дыр, Соо-мурнундува Көрзе кандыгыл?" — Дээн иргин ийин. 1515 Соондува көөрге, Арзылаң-Караның Кара доозуну