Тувинские народные сказки. - 1994. [Т. 8.]

"Аът хойгузар-дыр бо кулугурлар" дээш, кадыг кара чазын, хайбыр кара хожуулазын уштуп белеткей бергеш, 840 ам көөр дээрге, мурнуу чукче көрүп алган оруктуң иштии талазында орган кара кускун: —Эки-ле дээн өңңүүвүс, Хайындырыңмай Багай-оолдуң бо кан- чаары ол? — деп, алгырып олуруп-тур эвеспе аан. 845 Хайындырыңмай Багай-оол ашактың чугаазын сактып келгеш, черниң алды каъдынче хайбыр кара хожуулазын киир ада кааптып-тыр. Шыяан ам, 850 Хайындырыңмай Багай-оол аъдындан дүжүп, аас-байырын байырлап, ёзулугга чолукшуп, магалыгга бараалгап туруп-тур эвеспе. 855 Үш чүктуң үш эккери аңаа дүжүп-даа келген чүвең иргин. Алтайынче үнгеш, аңын-меңин өлүрүп чип, 860 суунче киргеш, балык-байлаңын тудуп чип, ай чедир аштанып-чемненип, узун тонунга хойгажып удуп, 865 кыска тонунга адактажып удуп-даа туруп-турлар эвеспе аан. Хайындырыңмай Багай-оолдуң Хан-Шилги аъды тургаш: —Шаг-үе орайтай берди, 870 чораан чорук далаш болгай—деп, чугаалап-даа туруп-тур эвеспе оң. Хайындырыңмай Багай-оол-даа Хан-Шилги аъдын эзертеп муна бээрге, ийи кара кускун тургапг 875 — Канчаарың ол, чорууруу ол бе, Хайындырыумай, аас-сөс-даа чок