Тувинские народные сказки. - 1994. [Т. 8.]

Даартазында даш бажы сарыг шокар, даң бажы шара-хере турда, Булутай-Эге хаанның аалынга 720 сарыг кидис идиктиг, чүң кириштиг кызытпажык чалыг, дойтук шилги чаваалыг оол бооп хуулуп алган кээп-тир эвеспе оң. 725 Эр-даа чүс шарының эъдин чаңгыс шарының шага-шимигенге деңнеп, тапталгага таптап, шишдилгеге шипшип кадырып, 730 чүс сарыг шайны чаңгыс кечим шайга шиңнеп , тапталгага таптап, шипшилгеге шипшип туруп-тур эвеспе. Аъш-чемин дөгернип доостунгаш, 735 дойтук шилги чаваазын мунуп алгаш, чоруп каап-тыр эвеспе. Канчангаш-ла дыңнаарга, кижи кый дээр бооп-тур, хая көрнүп кээрге, 740 бажының [дүгү] агара берген, эрниниң, салы сегелинде ораашкан, чаагының салы курлаанда четкен, холун даянгыыш үзе чээн, будун тулай үзе чээн 745 ушпа кырган ашак чоруп олуруп-тур эвеспе оң. — Кайыын углап, кайнаар баарың ол, оглум? — деп, ашак айтырып-тыр эвеспе. — Тос дээрниң кырында, 750 Дошкун-Сарыг хаанның тос буттуг, тос дапсылыг дошкун сарыг ширээзин Булутай-Эге хаан эккеп бер дээрге 755 чор мен—деп, оол мону сөглеп-тир.