Тувинские народные сказки. - 1994. [Т. 8.]

675 ак уузалыг* кара доңгада алдын аржаанын пактап алгаш, аъдын мунуп, доостунуп-дөгертинип-даа туруп-тур эвеспе оң. Бодун көөрге, дээриниң хиндиинде 680 бөргүнүң чиңзези шаштыгып турар, аъдын көөрге, дээриниң ак-кара булуттарын ийи кулаа-биле көжүрүп турар аът-даа бооп-тур ийин оң. Булутай[-Эге] хаанның аалынга чоокшулап ора, 685 каттаппсылыг сарыг хевенектиг, сарыг кидис идиктиг, дойтук шилги чаваалыг багай оол бооп хуулуп ап-тыр эвеспе. Хаанга кээп бараалгаацг. 690 —Даарта чоруптайн дээримге, хүнүн манаан, назыдап кыраан адам-ием бар, оларга аъш-чем хүн-хүнезин 695 белеткеп бээр мен — дээш, дедир чоруп каап-тыр эвеспе. Арзайтының аар ийинден аңын-меңин өлүргеш, 700 аргазынга чорзун дээш ак ужалыг элик-хүлбүзүн арттырып салып-даа чоруп-тур. Аалынга чедип келгеш, ада-иезинге сөөк бажың тудуп берип, 705 хүнүнден хүн чарып эккелгеш, айындан ай чарып эккелгеш бүдүрүп берип, 710 доңмас-чыдывас кара суун биче эргээ-биле казып эккеп, чаан чаг оваа, эъдин эът оваа кылдыр белеткеп кылып берип турган 715 Хайындырыңмай Багай-оол чүвези иргин.