Тувинские народные сказки. - 1994. [Т. 8.]

дөрт дапсылыг, 595 дөрбелчин кызыл ширээңни, алдын оваадай бөргүңнү, хөө-куяк тонуңну алыр сен, мунар аъдың чок болза, мээң Буга-Кара аъдымны мунуп ал, 600 кадыг кара чамны астып ал! — деп, чарлык бооп олуруп-тур оң. Хайындырыңмай Багай-оол аалынга муңгараан-деңгерээн чедип келгеш, адазынга чугаалап-тыр эвеспе оң. 605 — Туруп-шылай бердим — дээш, удуучаңнап чыдып ап-тыр эвеспе. Ада-иези оргаш — Балдырының сиири бышпаан, бажының коңгураа чазылбаан чаш оглувусту, тос [дээр] кырында Дошкун-Сарыг хаанга аныяк чорааш алзыпкан ширээмни негеп эккел! деп, канчап айбылап турар хаан боор? — деп-тирлер. Оглу удуп хонгаш, даартазында оттуп кээрге, "аът-хөл, күш-хүнезинден, эдик-хептен чүнү бээр чүве-дир, оглум?" — деп, адазы ашак айтырып олуруп-тур эвеспе. — Буга-Кара аъдымны мунуп аар сен, кадыг кара чамны астып аар сен, чорукка кедер хевимни кедип аар сен, тозан хонуктуң аъш-чемин дөгерезин белеткедип бээр мен, оглум, дээр хаан чорду — деп, Хайындырыңмай Багай-оол чугаалап-тыр. Ашак олура: — Кижи эдик-хеви бутка човаг, кижи аъды мунарга ботка човаг болгай, оглум, шаанда шагда мээң эдилеп чорааным, 610 615 620 625 630