Тувинские народные сказки. - 1994. [Т. 8.]

— Бөргүмде чоор бе? — дээш, бөргүн уштуп каапкаш, база-ла кылаштап чоруп каан. Шаа төнгеш, база-ла бир черге: —Чүктээн чүвем аарын аа —деп чугаалангаш, дыштаныр дээш олуруп чорда: — Аар-дыр мен бе, хаан? — деп, артында бир кижи чугаалаан. Хаан: — Курумда чоор бе? — дээш, курун каапкаш, база-ла кылаш­ тап чоруп каан. 16 Шаа төнгеш, хаан база-ла бир черге: — Чүктээн чүвем аарын аа-дээш чугаалангаш, дыштаныр дээш олуруп чорда: — Аар-дыр мен бе, хаан? — деп, артында бир чугаалаан. Хаан: — Идиимде чоор бе? — дээш, идиин уштуп каапкаш, база-ла кылаштап чоруп каан. Шаа төнгеш, хаан база-ла бир черге: Чүктээн чүвем аарын аа — деп чугаалангаш, дыштаныр дээш олуруп чорда: — Аар-дыр мен бе, хаан? — деп, база-ла артында бир кижи чугаалаан. — Тонумда чоор бе? — дээш, тонун уштуп каапкаш, чоруп каан. 17 Шаа тонгеш, хаан база-ла бир черге: — Чуктээн чүвем аарын — деп чугаалангаш, дыштаныр дээш олуруп бар чорда: — Аар-дыр мен бе, хаан? — деп, база-ла артында бир кижи чугааланган. Хаан: — Ааржы-саржаамда чоор бе? — дээш, ааржы-саржаан каг- гаш, бар чорда, [чоткан] келген, хаан-даа аңаа доңуп өлген иргин. Чаңгыс-Карыш хырынны оя кескеш, оон үнүп келген. Күжүр эр-даа чүү боор, ааржы-саржаан догере чигеш, хаанның аалынга де- дир барып, аптара-савада алдын-мөңгүнүн дөгере дажыглап алгаш, байып-чыргап, оюн оя, чигин чире чурттап чоруй барган чүве иргин. 7. ЧЕДИ АЛЫШКЫ 1 Шыяан. Чеди алышкы чораан чүвең иргин. Чеди алышкы Узун- Кара-Хемни өрү чоктап каап-тырлар. Ол хемниң бажынга кээрге, чеди оруктуң белдири бооп, чеди хем баткан бооп-тур. Чеди хем- ниң белдиринге, чеди оруктуң белдиринге чеди алышкы сүмелеш-