Тувинские народные сказки. - 1994. [Т. 8.]

Өскүс-оолду тып чададым — дээн. — Өскүс-оолду тыппаан шының ол бе, хаан? — дээш, кадайы инезин хаанның чанынче согуптарга, Өскүс-оол каттырып туруп келген. 22 Эртенинде хаан чапггыр, Өскүс-оол барып тывар болган. Хаан чанып чоруй барган. —Эртен кайыны барып дилээр деп бодап олур сен, Өскүс-оол? — деп, кадайы айтырган. — Хаанның ол-ла хамык бөрт аймаа чүвезин үреп-ле турзумза, бирээзи "мен мен" дээр-ле ыйнаан. — Эр бодуң эки-даа болза, эр угааның таан багай [ийин], Өс- күс-оол. Эртен хаанның аалының артында улуг чалым хаяның баа- рынга кымчы сыптаар үш кончуг чараш дең сөөскеннер турар. Эң ортузундаазын ээй тыртып эккелгеш: "Бо сөөскенни кымчы сыптап алза, чаражын аар" дээш, бижээң-биле үзе шаавыт, ынчалзыңза бир чүве болур боор. 23 Эртен даң бажында Өскүс-оол хаанның аалының артында улуг чалым хаяның баарынга келгеш, үш кымчы сыптаар сөөскеннер- ниң ортузундаазын ээй тыртып эккелгеш, бижээ-биле кагар деп чорда, "Ой, кижи үзе шааптың, Өскүс-оол" — дизе-ле, хаан бо болган. Эртенинде Өскүс-оол чаштыр, хаан тывар болган. Эртенинде хаан хамык ара-албатызын эдертип алган оран-де- легейниң ыяш-дажын тудуп санаан, "Өскүс-оол, канчалдың, чоон- дуц?" деп, алгырган-кышкырган чоруп олурган. 24 Өскүс-оолду кадайы чүскүк кылдыр хуулдуруп алгаш, даара- нып олурган. Хаан кирип келгеш: — Өскүс-оолду тып чада дым — дээн. — Өскүс-оолду тыппаан шыныц ол бе, хаан, — дээш, кадайы чүскуүн хаанның чанынче согуптарга, Өскүс-оол каттырып туруп келген. Эртенинде хаан чаштыр, Өскүс-оол барып тывар болган. Хаан чанып чоруй барган. — Эртен кайын барып дилээр деп бодап олур сен, Өскүс-оол? — деп, кадайы айтырган. — Ол чалым хаяның хамык сөөскенин доозазын узе шаап кел- зимзе, бирээзи "мен мен" дээр-ле ыйнаан. Ол хоржок-даа болза, хамык бөрттү үреп туруп-ла бергей мен — деп олурган. 25 —Эр бодуң эки-даа болза, эр угааның таан багайын, Өскүс-оол. Эртен хаанның аалының бертинде хөй инээ үнүп олурар, инекти аралап бадып чыдарыңга, чавырык мыйыстыг кырган еле шары