Тувинские народные сказки. - 1994. [Т. 8.]

— Чоп коргар сен, авай, — дээш, уткуй маңнай бергеш, адыг- ның ийн кула[андан] туткаш, боолдеп-боолдеп: — Ам бээр бистиң соовусче келбе — дээш, эзим иштинче киир октапкан. Адыг маңнап чоруй-даа барган чувең иргин ийин. И Шыяан, оон ам ол-ла чоруткаш, аал, чон кыдыынга чедип кел- ген. — Че, авай, чонга чоруурга, адазы аттыг, аъды дүктүг болгай. Мээц адым кым деп кижи мен, авай? — деп-тир эвеспе. 12 Шыяан, оон ам: — Ол шын-дыр, оглум, — дээш, —Сээң адың Адыг оглу Ыйгы- лак-Кара More болзун, оглум, — дээн. — Ындыг-дыр, авай, — дээн. Кадай оглунга чугаалаан: — Сен ышкаш экер-эрес, моге-шыырак, чараш-чаагай кижи чок-тур. Чонга чоруурга, чаңгыс-ла эпчок чүве бар-дыр — дээрге: — Чүү чүвел, авай? — дээн. — Кулааң адыг кулаа ышкаш-тыр — деп-тир эвеспе. 13 Шыяан оон ам. — Ындыг болза, сен бо черге тур, аштавас, суксавас-даа сен, авай. Мен моон чоруткаш, эш-өөр, ха-дуңма тып алгаш, эт-малдыг байып алгаш, сени кээп ап алыр мен, авай, — деп-тир эвеспе. — Канчаар-даа болзуңза бодуң бил, оглум, — дээн. — Ындыг-дыр, авай, —дээш, долгандыр маңнаарга, [авазы] даш кижи көжээ апарган-даа чүвең иргин ийин. 14 Шыяан ам, ол-ла чоруткаш, бир-ле эзим-сынныг, арга-даштыг черге кылаштап чоруурга, бир узун сарыг кижи, бир дытты тура тырткаш, бир дыт орнунга кадап тургузар [болтан]. Дыт тура тыр­ тып турган кижиге Адыг оглу Ыйгылак-Кара More чедип келгеш: — Бо канчап турарың ол, эжим, дыт туруп? — дээрге: — Меңээ куш чедер шыырак кижи чок боорга, чүү чүве шыы- рак чүвел деп улустан айтырарымга, дыт турары берге чүве-дир дээрге, тура тыртып турар кижи-дир мен, берге-даа эвес, белен-не чүве-дир — деп-тир эвеспе. 15 Шыяан, оон ам: — Сен тура тыртып корем, эжим, — дээрге, Адыг оглу Ыйгы­ лак-Кара More дыт тургаш, бир коъш арганы хоора тырткаш, бир коъш аргаа апарып кадаар, дыт тура тыртып турган узун сарыг могеден чүс хуу артык күштүг бооп-тур эвеспе.