Тувинские народные сказки. - 1994. [Т. 8.]

—Бисти кайнаар баар дээш дуглап турар чүвел, авай? — дээрге: — Мен болза бышкан чем чиир кижи-дир мен, арганың азыг диштиг адыг араатаны тудуп алгаш эккелгеш, кадай кылып алганы бо-дур ийин, оглум, — деп-тир эвеспе. 6 Шыяан ам. Оол чүгүрүп үнгеш, дөнен инек дег кара дашты туткаш, кажык тудуп алган чүве дег октапкаш, даштыгаа ойнап- ойнап кирип келген. — Чоп дашкаар ойнавас сен, үнмес сен, авай? — дээрге: — Хоржок, оглум, адыг ачаң бисти дашкаар үнгенивисти көөр болза, ийилдиривисти тудуп чиптер, дажың дедир эккеп дуглап каг, оглум, — деп-тир эвеспе. 7 Шыяан, оон ам дедир эккеп дуглап каан. Адыг кежээ чедип келгеш: — Куйнуц аксында дашты кым өскээр шимчедип каан? Силер шимчедип турдуңар бе? — деп, кончуг хорадап олурган. Ам даарта куйнуц аксын шимчедир болзуңарза, силер ийини елүргеш, эъди- ңер чиир мен — деп, хорадап олурган. Кадай чугаалаан: — Кайын [ам], бис ууй аар эвес бис, оскээр хаап дуглап шим­ чедип турар бис Чер, хая-даш ирип, оскээр шимчей бергени ол-дур — деп, харыылаан. Эртен база-ла донен инек дег кара дажы-биле куйнуц аксын дуглап кааш, чоруй барган. Оол олургаш: — Чоп хоранныг адыг ашак боор, хорадап турар? Дашкаар үнерде, арыг агаарлыг, чырык таптыы кончуг эки чүве чорду, авай. Сээң аал чурттуңче чоруулу, авай, — деп-тир эвеспе. 8 Шыяан, оон ам. — Хоржок, оглум, бисти билип кааш, өлүрүп кааптар. —Ында чүү боор, меңээ кайын куш чедер деп, чоруулу —дээн. — Ындыг болза чон аразынга идик-хеп чок канчап чоруур сен. Идик-хеп кылып берейн — дээш, адыг чедип кээрге, "өлүрүп турар аң-меңиңниң кежин эккеп тур" деп чагааш, эккээрге, эттеп туруп тон, идик-хеп даарап берген-даа чүвең иргин ийин. 9 Шыяан, оон ам, адыг аңнап чоруп бээр орта: — Че, чоруулу, авай, — дээш, донен инек дег кара дашты туткаш, дажапкаш, иезин кужактап алгаш, чоруп берген-даа чүвең иргин ийин. 10 — Шыяан оон ам Ийи иелишки кылаштажып чоруп олурда, адыг билип кааш, соондан истеп маңнап чедип келген: Иези: —Диведим бе, ат болду, ам өлүртүрүвүс ол-дур —деп, корта берген \