Тувинские народные сказки. - 1994. [Т. 8.]

Хайындырыңмай Багай-оол Хан-Шилгизин боду кылдыр хуулдургаш, дөңмээниң эъдинге 2720 дөрт ораай тырткаш, доора тырткаш туруп-тур. Ийи аът Хайындырыңмай Багай-оол-биле Хан-Шилгини 2725 ээрем сугда хадаан чөвүрээден-даа, эстеп-хадаан саазындан-даа дора хадып-сөөртүп алгаш, чоруп каап-тыр эвеспе. Ийи аът бир тегерип келгеш, Хан-Шилгиниң дал ортузундан үзе теп дүжүрүптүп-тур. Хайындырыңмай Багай-оол белинге үш ораай тырткаш, олура дүжерге, 2730 бир тегерип келгеш, белин үзе тептип-тир. Хөрээ-биле сөөртүнчүп чоруп орда, бир тегерип келгеш, мойнун үзе теп дүжүрүптүп-тирлер. 2735 Бажы-биле сөөртүнчүп чоруп орда, бажын чара тептер дээрге, ол-бо былдааш алдырбас бооп-тур. Аскы-биле ызырып алгаш аргамчызын дамчып чорааш, 2740 ийи аъттың балдырының эъдин сөөгүнге чедир хемдип чорда, Хой-Сагаан, Хураган-Сагаан ийи аът аарыырынга шыдашпайн тура дүжүп-тирлер. 2745 — Өлүр тының, өзер назының чок амытан сен? Амы-тынывыс өршээ, алыр чүвең болза, ал, — дижип туруп-турлар. — Силерде алыр алымым-даа чок, 2750 чиир чүвем-даа чок—дээш, Хой-Сагаан, Хураган-Сагаан ийи аъттың бот-боттарын удур-дедир чуларлаштырып туруп-тур.