Тувинские народные сказки. - 1994. [Т. 8.]

2675 өрү көргеш, өскээр чүткүүр бооп-тур. — Чооруң ол, канчаарың ол, Багай-оол? Дилеп чораан ийи аъдыңның ижер суу бо боор, 2680 ам үш хонгаш кээп ижер аъттар чүве—деп туруп-тур. Хайындырыңмай Багай-оол ону дыңнааш, Хан-Шилгизин идиктеп-чанчыктап алгаш, 2685 боду чеди чыл болган чеди чүстүг куу терезин бооп алгаш, кедеп чыдьга ап-тыр. 2690 Үш хонганының дал дүъш турда, хонуктуг черден колдуксуг чыдын хап, дүштүктүг черден 2695 дүдүксүг чыдын хап ийи аът дээриглеп маңнажып туруп-тур эвеспе. Хайындырыңмай Багай-оол алдын-мөңгүн кудуктуң ээзи бооп хуулуп алгаш, алгырып-тыр эвеспе: 2700 — Алдан-чеден чылда соолбайн, кыжын боорга доңмайн, чайын боорга ирип-чыдывайн келген мен, сайын шаарартыр, кумун куурартыр 2705 кадып-соглуп берейн бе? — деп-тир. Ийи аъды шынап-ла ындыг-дыр дээш, маңнажып кээп, кудукта суунче кулак доске чедир бажын суп 2710 иже бээрде, "Эрликтиң тозан кулаш алдьга шалбазы аргактыг алды мойнун ораай кирзин" — дээш, шишпип-тарбыдап чыткаш, 2715 шалбадай каапкан.