Тувинские народные сказки. - 1994. [Т. 8.]

паштанчы болзун дээш, 2600 оол-кыстың аразындан үзүп-шилип берип, малының ортузундан мал, эдиниң ортузундан эт үзүп берип туруп-тур. Хайындырыңмай Багай-оол алдан чылда найырлап, 2605 чеден чылда чыргап, алдын даңгыназының чанындан ыравас, ак өргээзинден бажын ужулбас, ийи өскүс дуңмазын-даа, Хан-Шилги аъдын-даа уттупкан туруп-тур. 2610 Хан-Шилгиниң эзериниң коңгазынга кускун-сааскан төрүп, үттүг-чарнының бажынга инек сагган хууңун инек сагган кадайлар азып туруп-турлар. 2615 Баа-Бага хаан, кадын алдыы оранче чаңгыс уруун канчап бадырар боор дээш, Хайындырыңмай Багай-оолду өлүрер аргазын дилеп тыва берип-тирлер эвеспе оң. Баа-Бага хаан кадыны-биле сүмележип-чугаалажып олургаш 2620 —Делегейде чок дээн кажар-каржы Хой-Сагаан, Хураган-Сагаан деп ийи аът бар чүве, аңаа үзе тептирип каар-дыр мону—дижип олуруп-турлар. 2625 Даартазында Хайындырыңмай Багай-оолду хаан-каты чалап эккеп алгаш: — Бурган ыдык Хой-Сагаан, 2630 Хураган-Сагаан ийи аъдым бар чүве, ону тудуп эккеп бер, оглум, салган ояар кижи караанга көзүлбээн, 2635 кижи кулаанга дыңналбаан чүве, ону тудуп эккеп берип көр, оглум, — деп олуруп-тур.