Тувинские народные сказки. - 1994. [Т. 8.]

кудуруу-биле азыраар мен—деп, аскын-созун берип-даа олуруп-тур. 1525 Булутай-Эге хаан тос хонукта аъш-чем-даа амзавас, аараан кижи-биле домей туруп-тур. Тос хонганында, ийи хаазын келдиртип эккеп — Хайындырыңмай Багай-оолду барып эккелиңер, 1530 ынавас мен дизе хүлүп-шарып эккелиңер — деп-тир. Ийи хаа Хайындырыңмай Багай-оолга халдып кээрге, 1535 өлең сигенин чулуп, ада-иезинге сускун хайындырып, чөвүрээзин картап, аъш-чемин кылып берип, сарыг хевээнек каттангылыг, 1540 сарыг кидис идиктиг, кирип келген хааларның айтырыынга: — Кырган ада-ием аайлап-карактап орар, хаанга бараалгаар 1545 харыым чок кижи мен—деп, харыылап олуруп-тур. Адазы оргаш: — Чүү дидир, оглум? — деп айтырарга: — Хаан авыгай кел дээн-дир дээрге: 1550 — Хаан кижи кел дээрге, карачал кижи барып бараалгаар-ла болгай, оглум, — деп-тир. Хайындырыңмай-даа хаанның аалынга баргаш, магалыы-биле бараалгап, 1555 ёзулуу-биле чолукшуп, хаанның салдырып бергени, карачал кижи хүндүлээр кара-сарыг серге кежи олбуунга саадап-даа туруп-тур. 1560 Алдан-чеден эрниң аргажып чорааш эккелгени алдын-шаажаң тавааның ипгги тарак-хойтпаан,