Тувинские народные сказки. - 1994. [Т. 8.]

Хайыңдырыңмай хая көрнүп кеөрге Дошкун-Сарыг хаан ызындырарының аргазы чок чоруп олуруп- тур. 1325 Хайындырыңмай Багай-оол чат сыгызын сыгыртып, чат алгызын алгырып, Хан-Шилги аъды чат былгызын былгырып, 1330 чат сидиин сидиктеп чоруп олуруп-тур эвеспе. Дошкун-Сарыг хаан чедип кээп, тудар дээрге [аъды] ол-бо былдааш, туттурбайн, эртип бадып олуруп-тур. Сүржүп бадып олурда 1335 дээрниң кара булуду көжүп, черниң чыдыг туманы хайнып үнүп, хат-шуурган бооп, халап үнүп-түр эвеспе. Улуг-улуг чаарда 1340 бай аалдың коданы хире хөртүк ойлуп дүжүп турар, бичии-бичии чаарда бай өгнүң дээвиири хире хөртүк ойлуп дүжүп турар бооп-тур эвеспе аан. Улуг шуурганга Дошкун-Сарыг хаан алдан-чеден чылда 1345 азып тенип чоруп берип-тир эвеспе аан. Хайындырыңмай Багай-оол карак-кулак чок тос дээрни эрте халыткаш, хаанның эжиин ажыткаш, ширээзин киир октапкаш, 1350 кырган ада-иезинче чортуп чана берип-тир эвеспе. Кырган ада-иези аарыг човулаң-даа чок, белеткеп берген чемин 1355 ортаа-даа киирбээн чурттап олурар мындыг бооп-тур. Хайындырыңмай Багай-оолдуң дүрзү-шырайының коргунчуунга, Хан-Шилгиниң даваннарының 1360 дааш-диңмидинге Булутай-Эге хаан