Тувинские народные сказки. - 1994. [Т. 8.]

"Дошкун-Сарыг хаанның аал-ораны кайда чүве ирги?" дээш чоруп-ла каап-тыр эвеспе. 1040 Хөлчүк болган ала караан аңдара-дүңдере көрүп, тамы болган аксын ажып эзеп, харап чоруп олуруп-тур. 1045 Когей болган хорээн өгдеңнеди чайып каап, таңды болган бел-кежиин сыйбыңнады чайып каап чоруп олуруп-тур эвеспе. Чиге соңгу 1050 чүгүнче көрүп чоруп олурарга, дээринге деңнешкен ак тайга туруп-тур. Хан-Шилги аъдын 1055 какканының кырынга хап, сокканының кырынга соп, каккан ояар дээринге деңнешкен ак тайгазының кырынче үне халдып кээп-тир эвеспе. 1060 Ак тайганың кырынга үне халдып келгеш, чиге соңгу чүкче көрүп алгаш, буга бажы дег хаш сарыг даңзазын ужулгаш, кыдат сарыг диңзезин тиккеш 1065 хайылады соруп олура, тос чүстүг дошкун сарыг дуранын ушта соп алгаш, тос чүгүн долгандыр көрүп, дөрт чүстүг дуранын ушта соп эккелгеш, дөрт чүгүн дөгелей көрүп олуруп-тур. 1070 Ол көрүп олурарга чиге соңгу чүкте карак четпес чиргилчинниг чиңге сарыг хову бар бооп-тур. Ол ховунуң дал ортузунда 1075 үш ак тайга бар бооп-тур. Үш тайганы долганган делегейниң ымыраа-сээги бе дээрге, ымыраа-сээк ышкаш эвес,