Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

һуркэ̄н һутэв, Де бй сāмй-кат, эмӣ-кэт Гэрбйес бӯрдэгим. . Элэкин биһикин, элэкин гундэ̄вй, Эмй элэксӣрэ, эһин гундэвй, 3060 Аминды сōӈку Дэвэлчэн гэрбйдиӈэ̄н. Бӣ синэ тыкэ̄н гэрбӣӈнэм: Дулин буга букаты̄рин Иһāрдан-дэвэ̄рдэн тэты̄лкэ̄н Дэгйлтэр сōӈку Дэвэлчэ̄н амилкāн, Килāдима ню̄риктэлкэ̄н Килāдий Киливлй энилкэ̄н, Мэ̄ндукки мэӈумэ нэ̄мэлкэ̄н, Мэ̄ндуккӣ мэӈумэ контоһилкэ̄н Мэрилэ̄ соногоһилкāн 3070 Дулин буга букаты̄рин Дугуйчāн-Дэлэйчэ̄н букаты̄р Гунмурй букаты̄р ōкал. Тадук ōдакин Илан сибйр сикты̄рвэ̄н Ситэримэ гиркурйс Инэӈӣӈис-анӈанйӈис эмэрэкин, Мэ̄нды аналлāк алаӈас Мэ̄ндӯс синню̄н биһин, Дурукин синдӯ биһин. 3080 Тадук синдӯ гундем: Дулин буга гэрбӣвэ̄н Эһй сэ̄мӈӣрэ мāтā ōдāвй, Аминды дю̄рды̄н сōӈку Букаты̄р бэе ōдāвӣ, Тыӈэлкэ̄ндук эһӣ тыктэ, Дялалкāндук эһӣ судурдэ, Дю̄р һалгалкāнма дюлэдӯвӣ эһй нэ̄рэ Дулин буга Сōниӈ букаты̄рин 3090 Дугуйчāн-Дэлэйчэ̄н букаты̄р Гунмурй гэрбйс гэенигин, Суракис суругин! Тавар гэрбӣвэ сэлмӣ, Сйнманавӣ гэрбйтэнэ гиркудāвй!» — Гуниттэн. Э̄рэ дōлдыксā, уруниксэ̄, Эр куӈāкāн эниндӯвй: «Энин гунды̄ энинми, Эдук һулэкэ гэрбӣвэ 3100 Йдук бакаксā, бӯдэ̄с, Бй тарā сэлдиӈэ̄в! Сōма ая гэрбӣлкэ̄н