Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Нуӈанмāн бй, удявāн удяксā, ДМардукин боконим-дā һуӈтул бэйӈэ̄лгэчӣн эчэ туксāна, 3010 Куһйнэ̄де эмэнды дō гунчэ̄гэчйн Ката дэ̄птыкӣ эмэрэн. Де эр бакалдыксāл, Дю̄р-илан калан ирилӈйдӯн Тэрэ̄нэ̄кй куһйксэ̄л, Бй нуӈанман тыкивкэ̄ним, Тар амардукин Вāдāвӣ некэденэ: «„Кэрēспй тӯрэ̄ткэл!“ — гуннэв, Гэрбӣе āчинтыкӣ эһим 3020 Тӯрэттэ!" — гунчэ̄гэчйн Ōӈоктовӣ-ню̄н инӈӯвчэрэн. Де тарит, амты̄лви, Миндӯ гэ̄лнэ̄рй гэрбйев, Сōлтама суракйав бӯкэлду! Тавадук бидиӈэ̄ Илан сивир сикты̄рвэ̄н Ситэримэ гиркумй, һэгдыӈэл сōниӈилва бакалдымй, Гэрбӣе āчин этэ̄н ситана. 3030 Тарит сбт һймāт Гэрбӣев бӯкэлду!» — гуниттэн. Тыкэ̄н гуннэдӯн Ир авāһиӈӈй ӣдӯ гарадāнды Гуннэл де суруксōл, Ичэнэтын биһэлддэ Дыгичй ды̄лтэ̄р эһэ ōдан. «Эриӈис авāһи эчэ бирэ, Э̄р эһэ бэйӈэ̄ бивкй», — гунэ. Дю̄лāвар ӣксэ̄л, энинин: 3040 «Илан сибӣр сикты̄рвэ̄н Ситэри гиркучā Аминды гэрбйгин», — гуниттэн. «Баран бэедӯ оскēчэ̄ бэе Э̄нинды мэ̄нин гэрбйгин. Бй бэю̄ндук һуӈтуву Эчэ сāра этэ̄м гэрбйрэ», — Гуниттэн аминин. Тар некэксэ̄: «Сāмй-кат, эмй-кэт бй 3050 Гэрбӣдэгим», — гуниттэн энинин. Тыкэн гуниксэ̄, һутэвӣ дэ̄птыкй тэгэксэ̄, Тыкэ̄н гуннэ турэ̄тчэрдэгэ: «Кимэ̄-кимэ̄ кимэ̄нин!