Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Де эр кулӯһилкэ̄н эмкэчй Ōран эр куӈāкāн. Де тар амардукин ӣлан нямā илан дя̄р Актадук һэгдэгӯвэ̄н, Егин дя̄н егин Огустук һэгдэгӯвэ̄н, Дяпкун дя̄р дяпкун Байтаһун бе бастыӈӈāн, 2920 Бāксāл, астāксāл, Куӈāкāн балдынан малāһунин гуннэл Егин долбонйлкāн инэӈйдӯ Энэл āһина умун тэгинди Аядук аят улгучэ̄мэ̄тнэл Ēдук-кат ая малāһунма ōра. Тар амардукин Бэедӯ бэе һāвуптан, Авдӯдӯ авдӯ һāвуптан. Эмэрй инэӈй, эмэксэ̄, йлтэнэн, 2930 Аланды̄ анӈанй, аланиксā, йлтэнэн. Эр бэел горово-кот, дагава-кат Бинэвэр энэл сāра, Ня̄н ноноптыгачйн Баян богово баяннал, Аюв богово аювнал, Ноноптыдӯ ӈэнэмй Энин брй экинтын дēн, Балдывчā һутэтын дēн, Илан дэткэ̄н дэлэмйчэ̄тын дēн 2940 Дулин буга бараксан Эрэгэмэ һуӈтут ичэвулчэ̄. Эр аӈадякāн сōӈку Дэвэлчэ̄н Нимэ̄р нимэ̄ритпй, баян баяндивй ōксā, Ēдук-кат аят бидердэгэ. Ӯр балдывнатын һутэтын ӯмулдуву биксэ̄, умучйды̄н ōчā, Дю̄лдэвэ биксэ̄, дю̄чйды̄н ōчā, Илалдава биксэ̄, илачйды̄н ōчā. Дыгилдэвэ биксэ̄, дыгичйды̄н ōчā. 2950 Дю̄ви дōвāн, тēргэнмй Эрэгэмэ энэ сулāра Эрэ̄лй туксактадяна Эвйктэрй куӈāкāн ōчā. Эр куӈāкāн инэӈйтыкин һāвупмй-ню̄н һāвуптан, Ёдук-тā боӈнбн, угунӈа Куӈāкāн ōдан эһилэ. Дэгрйню̄н-һуктырйню̄н