Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

ӯркэдӯвӣ илиткал! Э̄һиткэ̄н умун омолги куӈāкāн Э̄мэрӣн кэмин ōдан. Тадук би дя̄һиктукив Илан колōпка некэ̄ Нандалан бэлэннэ̄кэлду. Тадук умун дя̄һиктӯ 2870 Дёломо эмкэ бидиӈэ̄н. Тарā эмувуксэ̄л, энин ōрй Атыркāндӯ дявавкāкалду. Тадук тар эмкэ Нямагдāнин дяпкадӯн Алтама алагакāнма лапкукалду, Гēгӯ олдōндӯн ӯнигдама гидакāнма лапкукалду. Тадук ōдакин соногос мурин Нэ̄мэн бӯтаян 2880 Э̄мкэ һэрэдӯн сэктэвкэлду. Мэӈун контосйон Омолгичāн дылгидāдӯн нэ̄кэлду. Мерилэ̄ соногос инӈактадин Мэ̄чикйэ ōксāл, тыр'удӯн нэ̄кэлду. Тар амардукин Куӈāкāн балдыракин-ню̄н Сōт мандӯвуксāл, дявадāват!» — гуниттэн. Тыкэ̄н гуннэдӯн, ӈй ēва Бэлэннэ̄рӣвй дуруккāн бэлэннэ̄рэ. 2890 Тар бэлэннēксэ̄л этэмӯрэктын, Де бэлэн ōдан дō гунчэ̄гэчйн Омолгичāн гсуӈāкāн умнэ̄кэмэ Тар-дāт тылигирэ̄һинчэрэн. Тарā энин ōрй атыркāн Илан колōпка некэ̄ӈӈй Наннадин чакилиһиптыкӣ Куӈāкāн оёлбн тыктэн. Куӈāкāн тарā эрэгэмэ энэ сāра Атыркāнма инйһинимнйн 2900 ӯркэткэ̄кӣ һэтэкэнэн. Тарā биһэмдэ сōӈку Дэвэлчэ̄н Тоһуйчадяна оёлōн тыкиксэ̄, Оһок чāгидāлӣн эксэксэ̄, ӯмун һарāндӯ тырэрэн. Тарā биһэмдэ били Дёломо эмкэвэр эмувуксэл, Тар дбдӯн ōн гунмунэвэ̄н Дуруккāн нэ̄ксэ̄л, Куӈāкāнма эмкэдӯ дьиссэ̄л, 2910 Э̄мкэвэ даста-дā кулӯстэ̄рэ.