Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тар амардукин Екун надалкан эмэнды гунэксун — Килāдима ню̄риктэлкэ̄н Килāдий киливлй нэкундулэ̄вй эмэм. Едук-тā аят аяннāм. 2820 Кутэ̄т гундьг кутэ̄тыв Сōӈку Дэвэлчэ̄н Умнэ̄ ӈэнэнэн удян Егин-да дя̄н анӈанйдӯ эӈэ̄т сэ̄лддэ. Ай бэен āртыкин ōчā, Тарит сōмат аят эмэм. Эһиткэ̄н, һутэл, Сōт һймāт дю̄вар карайгāт: Сундук умун омолгичāн-куӈāкāн Эвэвй бакалдымнйн балдырй 2830 Аналилкāн инэӈйӈин эмэрэн. Тара аят бакалдыксāл этэксэ̄л, Аят билдиӈэ̄т. Сōӈку Дэвэлчэ̄н, нонон оӈорӯвар Ōн ōксāл, бакалдыркалдун бōлла, Таргачйн дуруккāн ōмалчакал! Эр бй балдычā куӈāкāнма Аят ичэрйдӯ ая идэлкэ̄н бичэ̄в. Тарит ēкунма ōрйвар Дуруккāн бэлэннēкэлду!» — 2840 Гуниттэн. Тыкэ̄н гуннэдӯн Сōӈку Дэвэлчэ̄н, ю̄мэлчэксэ̄, Ӈāладукин дорōвомнӣн Дю̄лāвй элгэнэ йвуксэ̄, Килāдима нюриктэлкэ̄н Киладий киливлй дагадӯн Атыркāнма тэгэвкэ̄мэлчэрэн. Нонопты һутэвэр балдырйдӯн Он ōнавар дуруккāн дялувукса, — 2850 Тар этэмӯрэкин Киладий киливлй Тыкэ̄н гуннэ тӯрэ̄чй ōдярдага: «Кимэ̄-кимэ̄ кимэ̄нин! ӯгӯ бугадӯ бскēчэ̄ Унякандивй ёва-кат эчйн бакара, Онёдор атыркāн, Экин гунды̄ экинми, Нономо дорōвоё дявакал, Амаргӯптын улгӯр бигин! Тадук ōдакин 2860 Сōӈку Дэвэлчэн гунмурй Гирки гунды̄ гиркив, Нонон этэвнэгэчйнми