Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Эр сэргэдӯ тōмтāксāл, 2720 Тар орон ичэдэдин һутэвэр гэрбйен бӯрэ. Гэ̄лнэ̄ри гэрбӣн, сōлтама суракин Ӈӣ бдан гунэксун — Егин инэӈйлги дӯндэвэ Умнэ̄ улгӯнчана ӈэнэрй Мэ̄ндукки мэӈун нэ̄мэлкэн, Мэ̄ндуккӣ мэӈун улгэ̄р нёгӯлкāн Мэрилэ̄ орон укчакилкāн ӯгу буга Хуркōкчōнин 2730 Гунмурӣ ōдан. Тар амардукин Сӣ илдитпэс сō элэкин Гуннэл эдукипты эмэрӣ һутэһун Балдырйдӯн иссиӈāн гуннэл илдиттēрэ. Гэ̄лнэ̄рӣ гэрбӣвэ̄н, сōлтама сураккāн Эр-тар гуннэл эчэ улгучэ̄нэ. Митпэ мэнин бодомӯрӣва бакаксāл, Уӈдиӈэ̄вун гуннэл илдиттēрэ», — Гуниттэн. 2740 Тар амардукин Дю̄лāвāр йксэ̄л, ноноптыгачйнмар Аӣ девгэвэр астāксāл, Ня̄н барāн сб бэегэчйн Егин долбонйлкāн инэӈйдӯ Улгучэ̄мэ̄тнэл— эвӣнэл Инэӈйвэ-долбонйва энэл Сāра бидердэктэрэ. щтын ōксā, 2750 Нуӈартын биһэлддэ Чӯкалкāн һарāнмар ōксāл, Аямат āһинирдактара. Эр бэел, āрй āмйвар мēликсāл, Депты̄ девгэ̄вэр ирйнэл, деврэ, Тулгӯ һавāвар һавалмандāра. Эр некэксэ̄л, ня̄н аһӯнма-дā Бинэвэр энэл сāра Инэӈй-долбонй йлтэндексōрэн, Анӈанй аланмудяксōран, 2760 Аһӯнма-дā бинэвэр эчэл сāра. Тар амардукин Эр килāдима ню̄риктэлкэ̄н Килāдий киливлй Ня̄н ноноптыгачӣнмй Егин бēгалкāн дбчй ōчā ивит. Эр дōчй бмӯракин