Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Илан муһэ̄лй багдарйн билāт Э̄ӈэептут тāнмучāгачйн Ала котой ōксā, аяннāна Дю̄рмэ̄н дюпты̄ сирэкэвй Нюмунтыкнан далкина Аяннāна эмэксэ̄, лāйдаӈмй дулиндӯн Э̄мӈэ тēргэндӯвӣ тыкиксэ̄, Мэ̄нин мэндивӣ ōксā, Аһāткар-куӈāкāр ōнатын 2680 Олокпотын ичэксэ̄, ӯрундуккй инемнэ̄рэн. Тар амардукин Дю̄лāвӣ эмэксэ̄, тыкэ̄н гуннэ Тӯрэ̄лкэ̄н-сэһэлкэ̄н бдан: «Гирō-гирō гирōкāнин! Гирки гунды̄ гиркив, Килāдима ню̄риктэлкэ̄н Килāдий киливлӣ, Нэкун гунды̄ нэкунми, 2690 Солкомо ню̄риктэлкэ̄н Солкондор гунмурй! Ноноптывāн дорōвоё дявакалду, Амаргӯптын улгӯр ōгин! Би гиркунмав улгумйрэксун — Би гиркуӈāт гиркунмӣ Дуруккāн дялувуксā, эмэм. Бēгандāр Баян этыркэ̄н, Сигӯрдэ̄н Баян атыркāн сагды̄л Бӣ эмэрйвэв илан долбонй 2700 Дюлэдӯн сāксāл, ӯгӯ сивйр Чӯтурӣн солкомо чӯкадин Сэктэвунмэ сэктэвчэ̄л, Тар оёлӣн нондо Толбочӣӈин сэктэвунмэ нэ̄чэл, Инӈактачй дурукин аяргӯдин Кēргэтнэл мит һутэт Аналлāк һарāнан ōчāл. Тадук биһэмдэ тēргэнмэр дулиндӯн Бēга дяпкадӯн һактыраһй долбонйва 2710 Ӈэ̄рйнмурӣ багдарӣн мэӈун Сэргэвэ ōксāл иливчāл. Тар сэргэ мит һуркэ̄н-һутэт Аналлāк укчаккӣ уйивунин уһу. Тар амардукин Этыркэ̄лкэ̄н атыркāн Мэ̄ндуккӣ мэӈун нэ̄мэлкэ̄н, Мэ̄ндуккӣ мэӈун улгэ̄р нёгӯлкāн Мэрилэ̄ укчак оронмōн