Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Билир нуӈартын егин бинэл Балдычāт гуниӈкитын. Тарилдук умун эвэкэ̄ев Эр бугалā уӈиӈнэ̄тын. Дулин буга мэ̄нин дōдӯн 2580 Ēма-дā сагды̄ гунмурй āчин. Тарит сагды̄ нāдан эмэдиӈэ̄н: һутэвэ син балдывдиӈāт, Сōһувэ син иргивдиӈэ̄т. Тар дуруктӯн омолгичāн Куӈāкāнма ōлгарйн нāда, Ӣлан дэткэ̄н дэлэмйчэ̄вэ Ичэтты̄н ня̄н нāда. Мундӯ умун нэкулкэ̄һэл биһип, Эдэр бэе мит дюлэдӯт 2590 Э̄гэ̄н сагдана, мэ̄нин дюлэдӯвй Оӈорӯвй брйн аналлāкин Ир-дэ̄ бутадӯ нюӈнивнэвэ̄н Ӈй-кэт эһин сāра. Багар тымй сурудиӈэ̄н, Багар инэӈмэ̄н ӈэнэдиӈэ̄н, Тарā сй-дэ̄, бй-дэ̄ Э̄һип сāра, эһип кāйда. Аһāткāн куӈāкāн мэ̄нин-дэ̄ Аӈнакй бэе аналин гуннэл 2600 Улгӯривкйл гуниӈкитын. Тарит эдэр бэе олоккōн Ичэтнэ бэлэтты̄ сагды̄ Э̄вэкэ̄е уӈиӈнэ̄тын!» — гуниттэн. Де эр сурурӣ бэеӈитын Тар сурурдугу._ Аһакар куӈāкар, бугадувар Мэ̄гдэлтын эмэ̄нмуксэ̄л, Илан дэткэ̄н дэлэмйчэ̄вэр Курēвэ̄н-тēргэнмэ̄н ōнал, 2610 Мэ̄рдӯвэр элэкин һавāва һавалнал, Авдӯлвар аят ичэгнэл Едук-кат аят бидердэктэрэ. Тар сōһултын ōн бидерэ гунмй — Орон сōһудук эӈнэкэ̄н гукйт Э̄ӈтэнэ-эӈтэнэ балдыран, Инак сōһудук торбос гукйт Маӈирāна-маӈирāна балдыран, Мурин сōһудук кулун гукйт Кйня̄на-кйня̄на балдыран. 2620 Тадук биһэмдэ дулин бугатын лāйдан Инэӈйтыкин эмӈэлдэн, Лāйдаӈитын ōкин-дā эчйн