Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Гэ̄лнэ̄рӣ гэрбйен, сōлтама суракйан 2480 Сагды̄л мэ̄ртын бӯдиӈэ̄тын. Бакалдына тāрия һӣмā гиркучӣ бэе Сӣ мэ̄нды эксэксэ̄ бӯрӣдӯс Он биһин? Дялвй сāвкāкал!» — Гуниттэн. Тадӯ сōщсу Дэвэлчэн: « Амин ōксā, бидиӈэ̄в дō — Бӣ суручим!» — гуниттэн. Тыкэ̄н гунэн-дэ̄ сōӈку Дэвэлчэ̄н Тулискй һэтэкэнчэрэн, 2490 Биракāӈӈй дуруккāн туксаран. Аналлāк мэ̄нин мэӈумэ урэӈилвӣ Энэ сулāра туксаран. Эр туксаксā, Мэ̄ндуккӣ мэӈумэ нэ̄мэлкэ̄н, Мэ̄ндуккӣ мэӈун улгэ̄р нёгӯлкан Мэрилэ̄ орон укчаккӣ бакаксā, Эмуврэн-дэ һутэвӣ биһэмдэ, Мэӈун корōпкакāнма ōксā, Тар дōдӯн чивкāчāӈин 2500 Нандадӯн чакиликсā, ды̄рэн, Тариӈӈй сēптӯвй дьфэн, Мэ̄нин мэрилэ орон укчактӯвй Кара һорокиткāнӈачӣн Капкāн һэтэкэнэн, Бēгандāр Баянтыкāкӣ һэтэкэнмукэ̄нэн. Эр ӈэнэвкэ̄нденэ килāдима ню̄риктэлкэ̄н Килāдий гунмурй гиркиткӣвӣ Этэ̄һиниксэ̄, тыкэ̄н гуннэ Тӯрэ̄чй ōдячā уһу: 2510 «Гирō-гирō гирōкāнин! Килāдима ню̄риктэлкэ̄н Килāдий киливлй, Гирки гунды̄ гиркив, Бӣ эр эһилэ сурум, Бēгандāр Баян этыркэ̄н Сигӯрдэ̄н Баян атыркāн Сагды̄ӈилвар сāнāрдагим Бӣ этэ̄м удара, сурурйдӯвй Егин долбонӣлкāн инэӈӣлӣ исчиӈāв, 2520 Эмэрӣдӯвй, багдарӣн дэгйкэ̄н ōксā, Тар дōгидāлйн эмэдиӈэ̄в. Мэрилэ̄ орон нонопты һутэт Анал укчакин биӈнэ̄н. Тар оронди гэрбӣен бӯдиӈэ̄вун. Тадук ōдакин бӣ эмэдэлэ̄в Сӯ аят бикэлду,