Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Гиркэнэдӯтын дылвй һорōндин Лис ōһикнакнан тыктэн; Ирак-тырак һэкинтӯрэн, Ӈӣ-дэ̄ эһӣдин дявара Дяландӯвй илмалчаран, Тулискэ̄кӣ һэтэкэнчэрэн. Уркэветын исчана, аминдулавИ исчана оһокпй чāгидāлйн аминдукки һэтэкэлдэн. Аминин биһэмдэ сумут мāтā 2440 Нуӈанман сувтывӈат бидиӈэн до — _ Оһоккй иларāкāн пэрйһинмукэниксэ, Куӈāкāнма аракӯкāн дявакса, Аран эчэ мултувра. Тадук дявӯчамнйн пэрйктэксэ̄, Дулиндукин кумнэксэ̄, һарāндӯ тырӯчэрдэгэ. Тар тырӯчэдерэкин Солкондор киливди Мэӈумэ чивкāчāн омйлкāн нандавāн Эмувуксэ̄, куӈāкāнма чакилдан 2450 Тар амардукин Аят бинэвэр малāһинмāн Ня̄н актавар аяргӯдин, Бёӈмэр бастыӈидин, Огуһиӈмар һэгдыгӯдин Астāксāл, айһитыт инэӈйӈин гуннэл Девгэ̄ богово тāниксāл, Аямат девдердэктэрэ. Тар амардукин Нуӈартын, илалдадӯ бикеэд, 2460 Илйтын тыманйдӯ эр Килāдий киливлй Бэеӈмй дэптыкй тэгэксэ̄, Тыкэ̄н гуннэ тӯрэ̄дкэ̄н-сэһэлкэ̄н ōдячā; «Кимэ̄-кимэ̄ кимэ̄нин! Дулин буга букаты̄рин Иһāрдан-дэвэ̄рдэн тэты̄дкэн Сōӈку мāтā Дэвэдчэ̄н, Гирки гунды̄ гиркив, Бй тӯрэ̄нмэв Дю̄р сēндӯвй силдыкал, 2470 Эмӈэ дōдӯвй дōлдыкал! Мит Бегандāр Баян аминдуккар, Сигӯрдэ̄н Баян эниндуккэр Э̄р бутала илнат Илан тугурук āнӈанй ōдан. Тар усталкāн тōрадӯн Екун-кат уһа āчин. Нонопты омодгичāн һутэвэр Нуӈардӯтын анāӈāтыт бичэ̄н.