Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тарā эруһуйиксэ̄л, Бй мэӈумэ дя̄һиктӯв Мэӈумэ чивкāчāн дэктылэ̄лкэ̄н иргин Э̄нэ һигивра бутунди һигивнэн Нандан биһин бидиӈэ̄н, Тар дōдӯн балдыдя̄к Аналлāк омйн биһин бидиӈэ̄н. 2390 Тарā нуӈандӯн һоривуксāл, Мэӈун чивкāчāн нандадин чакилимчалты. Ēдā тыкэ̄н гунэкис, Угӯ бута ирāктāгин Бēгандāр Баян этыркэ̄н, Сигӯрдэ̄н Баян атыркāн Сагды̄л бэел аналлāкитын Һуркэ̄н-һутэтын нуӈан бидиӈэ̄н. Де тарит бэевй бэекэксэ̄ Сумувй сумукуксб, 2400 Уркэдӯвй этэвкэл. Тар дюлэдӯн катанчарй Кулӯс биһикин нйкэл. Уйчэрй уһйкэ̄н биһикин гурэкэл Э̄р би дагадӯв илан чāлбāткāна һогиксā, тоһогоё иливкал, Умун уваһаткāна вāксā, Нандавāн бутэйди һигиксэ̄, Сумувōн энэ һогра ДЯландулйн һуēнӈйксэ̄ 2410 Нандавāн лāйдаӈлāвй эксэксэ̄, Илан лавāчй ōл чāлбāткāндӯ Тэтывуксэ̄, нандавāн олгйкал. Тар дюлэдӯн надан ōл чāлбāна Сēлидин, иргидин симэ̄кэл. Де, аһӯн бичэ̄с, дуруккāн Сōмат һймāт дялувмалчакал, Дуруккан эр-ты этэвмэлчэкэл! Эр-ты эһйт һуркэ̄н-куӈāкāн һэтэкэнды̄гдэн ōдан!» — гуниттэн. 2420 Тарā тадӯ биһэмдэ Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н Сōӈкума мāтā элй-талй туксана, Э̄лй-талй чāварйна Он гунмунэвй дуруккāн Гунмунэгэчйнин этэнэгдэн биһин. Тар некэксэ̄, уркэдӯвй этэвдердэгэ. Куӈāкāн биһэмдэ: Аминми бэлэм биһинды дō гунчэгэчин 2430 Чӯтурин солко чӯкава