Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Депты̄ девгэ̄вэр этэксэл, Нуӈартын биһэлддэл эр мит Дю̄р мэ̄нты балдынат дю̄т тыēлдэн, Гороптыран гуннэл Омакта дыгин кирйлкāн 2340 Ампāр дю̄явй эр бэе ōдярдага. Эр эмэчэ̄ аһāткāн биһэмдэ Солкомо сунмй дю̄р сēптукин Арāһинай гириптылāлва гана-гана Илан муһэ̄дӯ умйвнан Илан унӈӯр таһагас ōдан. Тар дōдӯн āһун-дā тэты̄, Идэгэ биһйн эвкй сāвра. Эр бэел таргачйн аят Баян богово баяннал 2350 Эмӈэ дэлэй богот бидечэ̄тын уһу. Нуӈартын барāн анӈанӣва Сāра-кат энэл бидерэ. Эр биденэл, килāдима ню̄риктэлкэ̄н Килāдий киливлй, Илалдава биксэ̄, Илан бēгаӈичӣ ōдан, Нюӈулдэвэ биксэ̄ Нюӈун бēгаӈичй одан, Егилдэвэ биксэ̄, 2360 Егин бега дōчй ōчā ивит. Егйтын тыманӣдӯн Килāдий киливлй Сōӈку Дэвэлчэ̄н гунмурй бэеӈтыкйвй Тыкэ̄н гуннэ тӯрэ̄лкэ̄н ōдяран: «Кимэ̄-кимэ̄ кимэ̄нин! Дулин буга букаты̄рин Иһāрдан-дэвэ̄рдэн тэты̄лкэ̄н Сōӈку Дэвэлчэ̄н гунмурй Гурки гунды̄ гиркив! Бэгин гунды̄ бэгинми! 2370 Бй иӈāма йктэтэив, Мэӈумэкэ̄н мēватаив, Коӈнорйкāн һāкитаив Эӈэнймэ иксāран, Ӈонум дялив урумӯлдэн, Эмӈэ кэӈтырэ̄в тыēлдэн. Тар ēдā гунмӣ, Муттӯ нономо умун һуркэ̄н-куӈāкāн Балдырӣ болдёкин одан. Тарит сэрэнкэл-сэрбэнкэл! 2380 Сō бэе һутэн Сōӈку сумут бивкй гуӈнэрэ. Супыдāвй некэлдиӈэ̄н.