Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тарит бй гиркунми уһая āчин бдан. Сӯ, балдыдя̄к бугав, бй ōнав дю̄в, Нэкун гунды̄ нэкунми, 2290 Сӯ он бирэс? — ӯлбӯты̄кэ̄н улгӯркэлду!» — Гуниттэн. Тыкэн гуниксэ̄, мит бэеӈит Балдыдяк лāйдаӈдӯвй илбэ̄нэ Эмувнэн илан дэткэ̄н дэлэмичэ̄нин Эймэ̄кēмэ ōһинчаран. Тар амардукин Солкомо ню̄риктэлкэ̄н Солкондōр киливли Талā нян эмэрэн. Де эр дулин буга мāтāлин 2300 Де эдӯ бакалдыра. Дулин буга лāйдадӯн Бэе бэевэ бакалдыран. Тар урундӯн балдыдя̄к бугалāвар Эр бэел, элгэмэ̄тнэл йксэ̄л, Де бакалдынавар малāһунмāн Гуннэл, агста аяргӯвāн, Байтаһун бастыӈмāн, Огус һэгдыӈэӈӈэ̄н вāксāл, Дыгин кирйлкāн остблдӯвар тāниксāл, 2310 Девдердэктэрэ нуӈартын биһэмдэ. Илан долбонӣлкāн инэӈйдӯ. Сōма барāнма эрэгэмэ улгучэ̄мэ̄тнэл, Эрэ̄-тарā барāнма сэһэргэстэ. Тар амардукин Депты̄ девгэвэр этэксэ̄л, Килāчй нандалдук һарāнмар ōксāл, Аһинды̄тын долбонӣӈитын эмэрэн. Эмэчэ̄л бэел егин долбонӣлкāн Инэӈйдӯ дёкēт-кат энэл мēлвāтта āра. 2320 Солкондōр киливлӣ тар устадӯн Илан дэткэ̄н дэлэмӣчэ̄вэ Дыгин дя̄р дыгин нулги тутурумчэлкэ̄н Дыгин мōлкāн курёндēдӯ Инэӈйтыкин ӣвнэ-ю̄внэ Бакалдывкāтна таткāктадячā. Тар амардукин Дю̄лāвй эмэксэ̄, нян депты̄ девгэ̄вэ Ирйнэ, астāктана нэкэедердэгэ. Эмэ̄л бэел, де мёликсāл, 2330 Ӈэ̄рӣһй ирэндэвэр ӈӯӈнӯрнэл, Йчэдэлвэр туксарнал, бксāл, Девгэ̄ аяӈӈāн девуксэ̄л, Ня̄н эгин-эгин арāһинай Барāн улгӯрвэ улгучэ̄мэ̄тнэл,