Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Де тар һоктолй илан 2240 Дэткэ̄н дэлэмӣчэ̄вэ̄р бодовнол, Тар-дāт дулин бугавар Эвгӯ сагалāн иһиксāл, Билирги дулин бугалāвй э̄нэн. Дю̄вй аһӯндӯн исчап гуннэ Ӈэнэвкэ̄ндердэктэрэ нуӈартын биһэмдэ. Нимӈāкāн биксэ̄ удадиӈāн дō — Тар-дāт соӈку Дэвэлчэ̄н 2250 Балдынан эēнэ̄ бираӈлāн эӈэ̄һинчэрдэктэрэ *. Умун бира уставāн Аһӯпчаӈāтыл бэел бидиӈэ̄тын. Тар-дāт эр дулин буга Дэвэлчэ̄нин Билирги мугдэкэӈилвӣ истан. Орон сōһун биһэмдэ Некэ̄ богон ōдан. Де балдыдя̄к лāйдаӈлāвй иһиксā, Билирги ӯтэ̄нмй ичэтнэн, Ен-кат энэ суксавра 2260 Сōмат аят бидердэгэ. Сōӈку Дэвэлчэ̄н тар ичэвулмӯрэкин, Тыкэ̄н гуннэ тӯрэ̄лкэ̄н-сэһэлкэ̄н Ōдячā уһу: «Гырō-гырō гырōкāнин! Балдыдя̄к дулин бугав, Э̄мӈэ дэлэй мэ̄ндӯвӣ Дорōвоё дявакал! Тар амардукин, нэкун гунды̄ нэкунми Егин дāрикталкāн солкомо ню̄риктэлкэ̄н 2270 Солкондōр киливлиткāн, Сӣ ня̄н дорōвоё дявакал! Ноноптын дорбво бигин, Амаргӯптын улгӯр ōгин! Эр минэвэ йргйт тэкэлкэ̄н-сэ̄ксэлкэ̄н Мāтā эмэнды гунэксун, Дулин бута букаты̄рин Иһāрдан-дэвэ̄рдэн тэты̄Лкэ̄н Дэгилтэр сōӈку Дэвэлчэ̄н Гунмурӣ сōниӈ бдам. 2280 Илан сивйр сикты̄рвэ̄н Ситэри гиркуксā, дялвӣ дялувуксā, Э̄рэйвй аривуксэ̄ Илан дэткэ̄н дэлэмйчэ̄вэ Илбэ̄нэ эмувум. Барāн бугава гиркум, Барāн бōюнма бакалдым,