Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Гуннэ улгумйрэкис, Бēгандāр этыркэ̄н амилкāн бичэ̄в, Сигӯрдэ̄н Баян энилкэ̄н бичэ̄в, Киладима ню̄риктэлкэ̄н Килāдий киливлй Гунмурй аи һунāдин ōдам. Екун нāдадӯ минэвэ бакалдырй Иччилкэ̄н тӯрэ̄нмӣ тулдӯлӣкэ̄н тӯрэ̄рбунды, Гундэ улгумйрэкис, 2200 Бй дулин тукала бугадӯ Умун эвэнки букаты̄рин Бэе ōрй олоктӯн Дю̄чйдуккй дю̄вчавӈӯн, Илачйдуккй аналлāкин Ōна балдынавй биһйдин Дулин бугалā ӈэнэксэ̄ Дю̄ва тāнилддак, тогово иламдак, Сōһувэ курēмдэк, һутэвэ балдывумдак, Дулин бугава аривумдак, 2210 Ӈэнэдерй аһāткāн ōдам. Тарит эр бӯ илан дэткэ̄н дэлэмйчэ̄вун Батна эврйн кōһāк биракāн Āртыкин ōксā амаргӯт-тā ōдакин Айткāр мāтāл мэ̄н сигдылэ̄дӯвэр Сāлдымāтты̄ аянмун һоктоён ōмкāкал! Бй ноноптыл анӈанйлдӯ, Илтэнчэ̄ инэӈйлдӯ битмй уһōмй Иччилэ̄к тӯрэ̄ндивй бучувчā мōва Ниӈтэдукин ая тӯрэ̄ндиви 2220 Алгāна туктывдэкив, Э̄лэкэс балдыдярй блэн Ирэ̄ктэткэ̄н мō ōвкй биӈкин, Ня̄ликин мōва дугэ̄дукин һэргискэ̄кй кирāракив, Бучувувсōвкй биӈкин, Кагдан чӯкава алгāна тӯрэ̄ттэкив, Балдыдярй чӯка ōвкй биӈкин, Балдыдярй чӯкава уһат ӯскй тӯрэттэкив, Бучувувсōвкй биӈкин. 2230 Де тарит бй иччилэ̄к тӯрэ̄нмэв Иргэлэ̄вй иктэвуксэ̄, Дōлāвй дōлдыксā, Сēндулāвй силдыксā, Мундӯ āртыкйа бӯкэл, Котун эвэв!» — гундерэн. Тыкэн гуниксэ этэмӯрэкин, Ӈуӈартын биһӣдуктын ӈēскāкй Ēдук-тā ая кōһāк биракāн ōдан.