Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Инак соһу бимй Маӈирāна-маӈирāна бодорон, Орон сōһу бимй Эӈтэнэ-эӈтэнэ бодорон. Эр мāтāткāр умнэ̄ ӈэнэвкэ̄ннэтын һоктотын егин дя̄р-да анӈанйдӯ 2150 Эһӣ сэ̄лддэ һокто ōдан. Умун тар ӈэнэ̄дӯтын Дую дӯннэдӯн бэевэ ēрчэклйн ōдан, Маӈа дӯннэдӯ һэнӈэклйн ōдан. Горово-кот ӈэнэнэвэр эчэл сāра, Дагава-кат ӈэнэнэвэр эчэл сāра. Эркэ̄н-дā таркāн ӈэнэвкэ̄нмй-ню̄н ӈэнэвкэ̄нэ, Дулин бугатын сō-дā горо бичэ̄ ивит. Эр бэел биһэмдэ Дюгарвāн тыгдэкэ̄ндин сāна, 2160 Болорвōн боктакāндин сāна, Тугэрвэ̄н умкактадин сāна, Нэлкирвэ̄н лэ̄птэ̄ркэ̄ндин сāна Дюлэ̄скй-ню̄н ӈэнэвкэ̄ндердэктэрэ, Тар ӈэнэдексэ̄л-ӈэнэдексэ̄л, Дулин бугадук ӯгӯ буга саган гунмурй Екун-дā урӯлкāн, оһикталкāн Кēйан энэн эврэ — туктырэ Калдыс кадāр кāйдан. Талā иһиксэ̄ ӈэнэкйт дӯннэӈитын 2170 Илй-кэт āчин ōдан. Эр бэел биһэлддэ Илан дэткэ̄н дэлэмйчэвэр Эр кадāр оёдун иливкāна. Тар некэксэл, килāдима ню̄риктэлкэ̄н Килāдий киливлй Тыкэ̄н гуннэ тӯрэ̄лкэ̄н бна— ōна Илан кирйлкāн солкомо билāтпй Дулиндулӣн тэкэрэгэр тāнан-дā, Дю̄р балдыдярй чāлбāткāнду 2180 Тэнырэгэр тāнан-да Калтакадин иларā далбāтāран, Тыкэн гуннэ тӯрэ̄тчэрдэгэ: « Гурē-гурē! Эр ӯгӯ буга дулин буга саган гунмурй Сагды̄ урэ эвэ котун, Екун иччилкэ̄н биркэс бōлла, Ноноптывāн эмӈэ дэлэй гэрбйдӯвй Дорōвоё дявакал! Амаргӯптын эһй омӈовро улгӯр ōӈнāн! 2190 Эр минэвэ йргйт тэкэлкэ̄н-сэ̄ксэлкэ̄н Аһāткāн, эмэксэ̄, бакалдыдянны