Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Сунэ эктын суптыра, Илтэнды̄ туксугучин албаһилкāһал Сунэ эктын дерэдэрэ, Су айһун сундӯ, 2100 Бӯ айвун мундӯ! Буралия бурасты̄ бигин!» — гуниттэн. Тыкэ̄н гуниксэ̄л, сурурӣл бэел Горо аянмар ӈӯӈнэмэрэ. Амардуктын Сигӯрдэ̄н Баян атыркāн Тыкэн гуннэ тӯрэ̄лкэ̄н ōдярдага: «Кимэ̄-кимэ̄ кимэ̄нин! Килāдима ню̄риктэлкэ̄н Килāдий киливлй һутэ гунды̄ һутэв, 2110 Дулин буга букаты̄рин Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н Кутēг гунды̄ кутётыв, Сӯ дю̄крэ бй чōр тӯрэ̄нмэв Дю̄р сэтынни бēга ōмактавāн Дарāн дявавчāгачйн Сēрдӯвар силдыкалду, Иргэлэ̄вэр иктэвкэлду, Дōлāвар дōлдыкалду! 2120 Сӯ ня̄н ēдук-кат аят аяннāнал Бугалāвар ӈэнэкэлду, Сигдылэ̄дӯ ēкун-дā кувулгатын Сунэ эгин мōдалāра, Угӯ няӈню̄р няӈнядук-дā Эӈэһй эдын эгин иктэрэ, һэргӯ уһа мōрадук-тā Тамнакса эгин тāрийда, Бугавар аят иһиксāл, Дю̄ва тāкалду, тогово илакалду, 2130 һутэвэ балдывкалду-бэ̄лӯкэлду Сōһувэ иргикэлду, Ая нимэ̄р ōкалду, Аӈнакйл бэел гэрбйлэ̄һун Аһӯн-дā городук аяннāнал Ӈэнэрйтын аял гэрбйлкэ̄һэл ōкалду, Аймак-тэгэ бэеӈилдун Ая̄врйтын нимэ̄һэл ōкалду! Бй эр тӯрэ̄нми ая алгис ōгин!» — Гуниттэн. 2140 Де эр сурурӣл бэел Илан дэткэ̄н дэлэмйчэ̄тын Мурин сōһу бимй Кйня̄на-кйня̄на бодорон,