Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Мэрилэ̄ соногосӈор Анал укчакйан бӯксэ̄л, 2050 Кутэ̄тню̄нмэр һунāтпар Умундӯ угивуксāл, Тэ̄ргэнмэр.эрэ̄лӣ дылачāва элэ̄ткӣ Иларāкāн пэрӣвчэрэ. Тар амардукин Дулин бугаткāкй соногоспотын салаиксāл, Илан дэткэн дэлэмӣчэ̄н Дулйāкāюуāн дявара. Калтакавāн һунāдилкāн кутэ̄тпэр Амардуктын илбэ̄рэ, 2060 Калтакавāн лāйдаӈдӯвар уды̄ра. Мит бэеӈит соӈку Дэвэдчэ̄ӈ Тыкэ̄н гуннэ тӯрэ̄лкэ̄н ōдячāн уһу: «Гирō-гирō гирōкāнин! Угу бугадӯ бскēнӣ-балдынӣ сагды̄ӈилви, Бēгандāр Бэгин этыркэ̄н, Сигӯрдэ̄н Баян атыркāн, Сӯ эдэн итчатитпар * — дурукиһун, Бӣ сурури тӯрэ̄нмэв Сēндӯвар силдыкалду, 2070 Дōдӯвар дōлдыкалду, Иргэлэ̄вэр иктэвкэлду! Минэвэ сōӈку бэе бинэ Сāма тӯрэ̄нэ энэ улгӯрдэ Бугалāвй сурурун гундиӈэ̄һун. Э̄вэнкӣткэ̄р ōдāвар ӈэнэрдэкпут. Окин-дā бакалдынāрӣвӣ, эчэв сāра, 2080 Ēмй-кат умнэ̄ некэйэрӣвй некэйэдиӈэ̄в. Сунэвэ ēкун-дā мāтā Эгин тырз Сōлтама суракиһун Э̄рэгэмэ эгин эмэ̄нмурэ, Э̄дэр һутэлдун упкат Дю̄ва тāннал, Тогово иланал, сōһувэ иргинэл, һутэвэ балдывнал дялан-дялан 2090 Э̄рэгэмэ барāлдякалду! Окир-вал будэрйӈиһун инэӈӣӈиһун эмэрэкин Итчилэ̄к тӯрэ̄нмэр эдындӯ уӈиӈнэкэлду! Идӯ-дэ̄ бимӣл этэ̄рэв эндэйдэ, Эмэксэ̄, эрйнмэһун бӣһāдиӈāвун! Суптырй туксугучйн кувулгатыл Нонопты