Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

«Гирō-гирō гирōкāнин! ӯгӯ бугадӯ балдычā 1380 ӯгӯ буга бэгинин Бёгандāр Баян этыркэн, Сигӯндэ̄р Баян атыркāн, Э̄һэлби-гӯ гундем, Амты̄лби-гӯ гундем, ӯркэвэр нйксэ̄л, Дялум ирэндэдӯвэр, Ая дюлэдӯвэр, Дорбвоё дявакалду! Ноноптын дорōво бигин, 1390 Амаргӯптын улгур бигин! Э̄р минэвэ йргйт Тэкэлкэ̄н-сэ̄ксэлкэ̄н мāтā, эмэксэ̄, Дорōволкōн-улгӯрилкэ̄н ōданды гунэксун, Дулин бугадӯ ōскёчэ̄-ты̄вāнчā Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н Гунмурй дулин буга букаты̄рин Бй мэ̄ндивӣ эмэм. Ēкун һэгды надалкāн ōксā, 1400 Э̄р бугалā эмэнэ̄нды Гуннэл улгумӣвкӣл бдаксун, Сундулэ̄, сӯ гэрбӣлэ̄һун Мōра эӈэһӣ эдындӯн Мōйкāн бэю̄нӈэчйн иктэвденэ Барāн бугава аланна эмэм. Сундӯ илан киливлйдук дёкēргӯһун Килāма ню̄риктэлкэ̄н Килāдий киливлй гунмурӣ Бӣ илачӣдуккӣ аналлāкив, 1410 Дю̄чйдуккй дю̄вчамӈӯв, ӯмучӣдуккӣ улдымӈӯв уһу Гуннэ дōлдыксā, соруйама Горо бугава аяннāна эмэм. Гэеннймэндē гэрбӣлэ̄һун гэгинденэ Э̄р илэ мэ̄ндивӣ эмэм. Мэнды ēкунди иргиврӣ Мāтā биӈнэнды гунэксун, Куруӈ урэлдук коӈнорйн Кою̄ инӈакталкāн сатмāр 1420 Э̄һэткэ̄рвэ бэйӈэ̄ӈнэм, Оӈкой урэл оёлдуктын Анамкāрва бэйӈэ̄нэ амӈавй иргиӈнэм, Ирэ̄г урэл ӣкэрдуктын Ирэ̄ксэмэ нандалкāн Бургу иркин бэю̄нди