Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

1330 Ӈӣ гунмурй турулуе тōккун, Баралия баранāк эмэденды? Ӈй-дэ̄ бимӣ һоктово экэл мэһэйдэ̄рэ, Сōт тургэнди адагакал! Эһикис адагара чāлбāткāн тыевундивй Дулиндулӣс дэлпэрэгэр иктэксэ̄, Дегинӈидэ̄вэс дегинтыкӣ гарадāдиӈāв, Анӈидāвас āнтыкй гарадāдиӈāв! Эмй адагара бимй Кэрēс тӯрэ̄нмӣ тӯрэ̄ткэл! 1340 Буһйк тэты̄вй тэткэл! Колдюга укчаккй бакакал!» — Тыкэ̄н гуниксэ̄кэ̄н, Чāлбāн тыевундивй мит бэеӈӈэт һорōмодун иктэдердэгэ. Тар иктэнэдӯн биһэлддэ Нуӈан чāлбāн тыевунин Илан муһэ̄т һокорогор һурурун. Мит бэеӈит ēра-кат эчэ. Тар амардукин 1350 Ня̄ликин ирэ̄ктэ калтакады̄нин Ургэ һэгды тыевундивй Чāгӯ бэевэ һорōмодӯн иктэдердэгэ. Тар иктэнэн чāгӯ бэе Бугды̄ укчактай, мэ̄тэй Āнӈидāтпй һокто āнӈидāлāн тыктэн Дегинӈидэ̄тпй һокто дегинӈидэ̄лэ̄н тыктэн. Тар некэксэ, мит бэеӈит Дюлэвй сурудюрдугу. Нуӈан биксэ̄ удадиӈāн дб — 1360 Бёгандāр этыркэ̄н тēргэндēлэ̄н * Тар-дāт исчаран бадага. Эр бэе иӈāран гунчэнэлин Инак сōһул ōда, Умйвувчā чӯка гунчэнэн Мурин сбһу ōдан, Чāлбӯг гунчэнэн Чāлдыл актал ōда, Нйвэ̄г гунчэнэн Гулур актал бда — 1370Таргачйн барāн Илан дэткэ̄н дэлэмйчэ̄лкэ̄н Этыркэ̄н ивит эр Бēгандāр. Де эр нимэ̄рлэ̄ иһиксā, Мит бэеӈит, дю̄р дяпкун кирйлкāн Ампāр дю̄лāн эмэксэ̄, Уркэдӯн илитчана тыкэ̄н Гуннэ тӯрэ̄чй-сэһэчй ōдячā: