Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тыкэ̄н гуниксэ̄, сбӈку Дэвэлчэ̄н Угӯ бугаткāкй Йлан дӯндэлӣ эӈэептувчэ̄гэчӣн Ала дэгӣткэ̄н ōксā, Угискэ̄кӣ ӈэнэвкэ̄ндердэгэ. Э̄һилэ дӯндэ богово манаран — ӯгӯ гунмурӣ бугатын Тэде горо буга бивкӣ ивит. 1290 һāды̄л дӯндэлдӯ Бэе дэ̄птыкй эһӣн ичэһинэ Э̄ӈэһй эдылкэ̄н, уһа мускāтылкāн Бугал бивкйл ивит. Дю̄р ēһадӯвй эрэгэмэ Э̄нэлвй ичэрэ дундэлэ̄ иһиксā, Ӈэнэвкэ̄нмӣ-ню̄н ӈэнэвкэ̄ндердэгэ. Э̄һилэ ӯгӯ бугалā иһиксā, Уйдэ̄нэ ичэнэн биһэмдэ: Баргӯн эһӣ ичэврэ 1300 Эмӈэ-дэлэй буга ōдан Э̄р бутатын биһэмдэ. Окин-дā дылачā тогон Э̄дēкин горолдо бутан бдан. Окин-дā эһй һокоргоро Чӯкалкāн-мōлкāн ая буга эмэрэн. Э̄һилэ эргэчйн бугалā иһиксā, Мит бэеӈит илэ мэ̄ндивй ōксā, ӯгӯ буга дулиндулӣн Э̄рэгэр дылачā ю̄ктэткин 1310 Нуӈанмāн биһэмдэ Дую дӯндэдӯ ēрчэклйн, Маӈа дӯндэдӯ һэнӈэклин оча. Ōкин-дā эһй сэ̄мдэ һоктоёлй ӈэнэвкэ̄ндердэгэ. Э̄р ӈэнэвкэ̄ндерэкин Дюлгйдин эр-ты һоктокōндулй Бугды̄ укчакилкāн, Бутды̄ āвулкāн, Бугды̄ коколдолкбн, 1320 Бутды̄ саӈиякилкāн Мāтā чāлбāткāн тыевундивй Мит бэеӈлэ̄т иткӯнāннāя̄ һуктувнэ эмэдердэгэ,^ Тыкэ̄н гуннэ тӯрэ̄чи одярдага: «Лирвē-лирвē лирвёя̄! Эр ёма буга баянин Гулун акталдун бургучō, Чāлды актаддун каһарбучā, Коӈнорйн акталдӯн коӈнōрбучā