Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Акинин сōӈку Дэвэлчэ̄н Тыкэн гуннэ тӯрэ̄лкэ̄н ōдярдага: «Гирб-гирō гирōкāнин! Нэкун гунды̄ нэкунми, Егин дДрикталкāн Солкомо ню̄риктэлкэ̄н 1240 Солкōкчōн гунмурӣ киливлӣ, Бӣ тӯрэ̄нмэв Сēндӯвй силдыкал, Дōдӯвӣ дблдыкал, Иргэлэ̄вй иктэвкэл! Едук-кат аят бугавй искал, Ема-дā кувулгат эгин бакара! Балдыдя̄к бугалāвӣ иһиксā, Алаһа дю̄вй тāникса, Того эһэкэ̄вй илаксā, 1250 Орон сбһувӣ камуиксā, Дулин бугава ӈӣвэ-кэт Экэл āтчйвкāна! Миндук экэл ӈэ̄лэрэ: Бй мэ̄нмӣ дюлэдӯвӣ Омолгичāн куӈāкāн гиркунмāн Дялумит гиркудиӈāв гунчэчим. Тар ӯгӯ бугадӯ Тэде аналлāкив биһикин Бакаксā, гаксā, эмэдиӈэ̄в. 1260 Угӯ буга бōюһалин Аһӯн-дā сōӈкул бичэ̄лӣтын Син дяпкава бакана Тэрэ̄ӈкэ̄кй гиркудиӈāв! Сй бимй сигдылэ̄дӯ Илтэнды̄ туксугучӣр тбккуһэл, Суптырӣ туксугэчӣр кувулгатыл һоктодӯс бакалдыврактын, Иччилэ̄к тӯрэ̄нмӣ Эдындӯ уӈиӈнэкэл! 1270 Идӯ-кэт бимӣ этэ̄м эндэйдэ, Дблдыксā, эрӣксэвэс эруһуйдиӈэ̄в. Бй мэ̄нми кэӈтырэ̄в тыēллэкин, Ӈонум дялив урумӯлдэкин, Ня̄н иччилэ̄к тӯрэ̄нмӣ Синтыкй эдындӯ уӈдиӈэ̄в. һӣмāт гиркумӣ — умун анӈанӣлӣ, Дулинди гиркумӣ — дю̄р анӈанйлй, Ӈонумут гунмӣ — илан анӈанӣлй Бугалāвй мучӯдиӈāв. 1280 Тардалāн ēдук-кат аят бикэл! Буралия бурасты̄!» — гуниттэн.