Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

1090 Гугиниктэ * гуниксэ̄, кāрēн Балдыдя̄к энилкэ̄н аминдук, Балдыдя̄к дӯндэдук Эр-ты эһит һуечирдэгим! Буралия бурасты̄!», — гуниксэ̄, Эр-дэ̄т букэ̄кутрэн. Мит бэеӈит, һэргӯ буга Атамāнмāн кēйиксā, Чугӯма дылвāн кӣһэ̄н урэлдӯ һукэлкйкэ̄тнэ эвӣрэн, 1100 Нюӈӣн гирамдалвāн Мōра урускалдӯн умйвран, Эптылэ̄ндēн гирамдадин Эвэнкӣ дю̄кчāн эр бигин Гуннэ эвйкэ̄ттэн. Атамāн биһим гуннэ āтырнан Астыкйа-дā āчин ивит, Сōӈку бэе биһим гуннэ сурагирнан Сō-дā сивсак * ивит гуннэ Мит бэеӈит эр авāһи 1110 Урйкйтын дōдӯн биһӣ Бōюһалватын упкатпатын гиркуран — Нуӈанню̄нин гиркурй Ӈӣ-кэт āчин оран. Эр некэксэ̄, мит бэеӈит Угӯ буга айткāр аһāткāрватын Де бакалдынāрдагим гуннэ Ур ӯгӯ дю̄дӯ бидēклэ̄тын эмэнэн — Нуцартын биһэмдэ каяһак ӯгӯ бугалāвар дэгдеһинчэл уһу. 1120 Соӈку Дэвэлчэ̄н эһилэ Айткāр букаты̄рила, Айткāр-канā тэгэ̄лэ • Гиркуксā, ичэрдэгим гуннэ, Солкондōр гунмурй нэкунмй Сēптӯвӣ аямат ды̄ксэ̄, Ур эмэдēк һоктолйвй Угискэ̄кӣ туктыдеһинчэ̄. Эмэнэвӣ удявй нуцан биксэ̄ Аһӯндӯ исчиӈāн — 1130 һэргӯ бугалā тыккйт һокто уркэлэ̄н иһиксā, Илэ мэ̄нин ōксā, Нэкунмй ня̄н мэ̄ндин ōвкāниксā, Тыкэ̄н гуннэ тӯрэ̄чй ōдярдага: «Гирō-гирō гирōкāнин! Егин дāрилкāн Солкомо ню̄риктэлкэ̄н