Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Аһӯнма-дД бōюндаснавар Энэл сāра тэрэ̄ӈкэ̄кй куһйденэл һэ̄ē һэ̄ёлвэр кип-кап нāлдыра. Тадӯ илиһинчаксā, Эр сōӈкӯ Дэвэлчэ̄н Тыкэ̄н гуннэ тӯрэ̄чй ōдяран: «Гирō-гирō гирōкāнин! һэргӯ буга авāһин, 1050 Няргул бэю̄н укчакилкāн Няргӯчāн сōниӈ гунмурӣ, Умун һуӈту буга букаты̄рин гуннэ Каридӯвй, нюӈӣдӯвӣ уёчомкōм-дэ̄ Эһӣлэвӣ тэрэ̄рэ иһинды. Эһиткэ̄н бй илды̄в Инэӈйӈив эмэрэн. Миндук ēва коргутчанды, Энэдӯвӣ тэрэ̄рэ мэ̄ндуккӣ коргуткал! Ноноптыва ōчā буруилкāн 1060 Сӣ мэ̄нды бирдэгиӈ, Ōрбэ һэлэкэ̄н ōрэгэһин ōрдагиӈ, Онйгдама гида кирāскāн ōрдагиц», — Гуниттэн эр мит бэеӈит. Тыкэ гуннэдӯн чāгӯ бэе, Макчас некэксэ̄, кокōскава бӯрэн. Тарā биһэлддэ мит бэеӈит Ōлуктукин дяваран, Нюркӯнчакнан калбарийдан, Доӈото тукалава 1070 Егин саһāмāктӯ, сиӈнэри гарадāран. Анӈӯ нюӈӣдӯн умундӯ балдычā Дыгин ӈāла деелкэ̄н Эмэр котокōндивй Кавкавāн коӈдорогор тāнан. Тариӈин биһэмдэ авāһи биксэ̄ Тӯрэ̄нэ̄ āчин эмэ̄нмудиӈэ̄н — Тыкэ̄н гуннэ тӯрэ̄лкэ̄н ōчā: «Ловир-ловир ловирдōн! Дулин буга бōюнин 1080 Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н, Кулдюн кувулгат, дйкэй дивилгэт, Эр минэвэ кāрēн баддыдя̄к бугадукив, Аймак нэкнӣл бэеӈилдукив һуēнӈӣрэн, бāлтаран. Будэрӣтын, энӯнды̄тын Маӈа-дā бивкӣ ивит. Эрэ̄ энэ сāра Дулин буга букаты̄рню̄нин