Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Чāгӯ бэе мōра баргӯдукин 900 Умун илйкачāнма Тонӈорогор тāниксā, «Сэлэмэ урэ ōкал!» — гуниксэ̄, Дюлэдӯвй гарадāран, Тариӈин сэлэмэ урэ бран. Тар амардукин мит бэеӈит: «Куһӣн тэкэнмэ̄н ōчā Бугачэ̄яй биһӣдин де Сӣ минэ донон гарпакал!» — гуниттэн. Авāһимӈӯ биһэмдэ 910 Егин дя̄р бӯтылкāн Сэлэмэндё алаӈандя̄вй Аркандуккӣ тыкиврэн, Егин кирӣлкāн Чугӯма ню̄риндя̄вй нэ̄рэн, Чугӯма урэӈӈӣ чолпорогор, Мэцумэ урэӈмэ̄н чолпорогор Мит бэеӈӈэт иткӯчадяна Тыкэ̄н гуннэ тӯрэ̄тчэрдэгэ: «Ловир-ловир ловирдōн! 920 Егин дя̄р бӯтылкāн Сэлэмэ алаӈандя̄в, Дёлодук экэл дюлайда, Мэӈундук экэл мучӯра! Дулин буга букаты̄рин Сōниӈ мāтā Дэвэлчэ̄н Коӈнорйкāн һāкинин Дулкāкинмāн бакакал! Бӣ гэрбӣвэв экэл тыкиврэ, Сураккав экэл сӯһарда! 930 Сбӈку мāтā Дэвэлчэ̄н, Сй-дэ̄ бимӣ бэлэкэкэл, Сэп сурурун — сэрэнкэл!» — Гуниттэн. Тыкэ̄н гуниксэ̄кэ̄н, Чугӯма урэню̄нди мэӈумэ урэвэ Чолпорогор гарпаран. Мит бэеӈит Сōцку мāтā Дэвэлчэ̄н Нуӈан бэрдӯн эчэ нāвра — 940 Сōт нимсат адагаксōран. Нуӈан бэрдукин адаганнāя̄ Сэлэмэ кāйдӯ кāйнаватын Нэкунмӣ кāйдук ю̄вумдэк, Кāӣ калтака эркинмэ̄н Эдерэгэр һэ̄киһиниксэ̄, Нэкунмӣ чāварӣһиниксā,