Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Няргул бэю̄н укчакилкāн Сōниӈ Няргӯчāн, Ноноптын дорōво бигин, Амаргӯн улгӯр бигин! Минэвэ ӣргӣт тэкэлкэ̄н Мāтā гуннэ эчэс мйскэ̄ттэ, Ōнавй буруйвй мэ̄нды сāнды. Тар некэксэ Мэ̄ндивӣ эмэнды гуннэ 860 Амӈалкāн йктэтпй тэвэ̄һинды. Тадӯ бӣ бидиӈэ̄в дō — Бй ня̄н син букаты̄р Гэрбйлкэ̄н мāтā бичэ̄в. Дёрсо синӈэчйн авāһи Атамāнин сатāн эһйн тырэрэ Эвэнкйткэ̄н бичэ̄в бидиӈэ̄н. Ката сй, авāһи гунмурй, Аи бэен һунāтпāн Аһйявй гаксāкāн, 870 Аһӯн авдӯва иргинэвэ̄н ичэксэ̄, Аһӯн һутэвэ балдывуксā, Олоккй ōнавāн ичэксэ̄, Дёрсо дёромоксō эмувуксэ̄ Бинэ-бинэ, тӯрэ̄лкэ̄н бданды! Эһиткэн тавар илитчарй Дӯндэӈдуккй ӣлэ̄-дэ̄ Э̄кэл сй һаваһина! Нонон алтамандя̄ алаӈандя̄тпй Гарпана порōвайдāдиӈāв *. 880 Тар амардукин Дагат дяварй гидалдивар Коӈнорӣн һāкиндӯвар тыкилдыдиӈэ̄т, Тарил манавчāлāтын Де дюлāкин колтолдивар ӯлдэлкэ̄н-сэ̄ксэлдуккэр кōталамāтчиӈāт. Илан сивйрдӯ дю̄р тэрэ̄ӈил Эһилэ бакалдырап бидиӈэ̄н. Дю̄рдук гē эрйксэт Э̄тыргэрэкин-ню̄н этэрйл 890 Мāтāл ōдап бидиӈэ̄н», — Гуниттэн эр сбӈку Дэвэлчэ̄н. Тыкэ̄н гуниксэ̄, мит бэеӈит Анӈӯ сēптуккй маннēт карчива Сōт һӣмāт гамалчаран-дā: «Дюлэдӯв мэӈумэ урэ ōкал!» — Гуниксэ̄, гарадāран. Тариӈин биһэлддэ Мэӈумэ урэндē бран.