Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Нуӈартын дюлэдӯтын Адяс улбр улдэтпӣ, Адяс илэ мэ̄ндивӣ Илиһинчаран ивит арай. Бэгинмэр элгэдерӣл Букаты̄рил, олоксōл, Чāскāкй һукэлты̄рэ. 810 Няргӯчāн сōниӈ «Татат! Татат!» — гуниксэ, Нилбэкилкэ̄н дувукйвй Сэлэмэ кōлōлгочйн санӈатпй Тапканна-тапканна Илан бēрэстэмэ̄клэ̄ Амаргидāтпӣ тэмтэрнэ суруксō, Тыкэн гуннэ тӯрэ̄лкэ̄н ōдячā уһу: «Ловир-ловир ловирдōн! Дулин буга букаты̄рин 820 Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н, Ēкун-ēкун албаһитпй Илэ мэ̄ндивй эмэркэс? Авāһил атамāндӯтын, Миндӯ аналичй бирдэгиӈ! Урō-воню̄н урōвов! Дёлив-соргув ōдан-ӈан! Синӈэчӣн ая, дялум ичэдэчй Айткāндӯ эрэгэмэ āчин! 830 Егин дя̄н егин букаты̄рва Илэ мэ̄нми бāлтачав, Нямāвй дялупрйдӯв Де тэде сōӈку мāтā Илэ мэ̄ндивӣ эмэнды. л Нэкун гунды̄ нэкунмй ӯникин удявāн удяна Эмэчэ̄с бидиӈэ̄н-дэ̄ Тариӈис бимӣ миндӯ Илачйдуккй аналлāкив, 840 Дю̄чидуккй дю̄вчавӇӯв, Умучӣдуккй улдымӈӯв! Мэ̄ндиви эмэчэ̄кӯн, Бӯрйвй-эһйвй улбӯты̄кэ̄н улгӯркэл! Бӯрэкис-кэт гачим, Э̄һикис-кэт гачим!» — Гуниттэн авāһи омолгин. Мит бэеӈит нуӈанмāн ичэтчэнэ Тыкэ̄н гуннэ тӯрэ̄лкэ̄н ōдячā уһу: «Гирō-гирō гирōкāнин! 850 һэргӯ буга авāһилин атамāнтын